Республикæ Хуссар Ирыстоны Президент Бибылты Анатоли ауагъта æмбырд 2020 азы Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныны фарстыты фæдыл.
Æмбырды куысты хайад райстой Хица-уады Сæрдар Пухаты Эрик, Хицауады Сæрдары хæдивæг-Экономикон рæзты министр Бекъойты Геннади, Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард, профилон министрадты æмæ ведомствоты къухдариуæггæнджытæ, афтæ ма подрядон организацитæ.
Финансты министры хæдивæг Тыбылты Маринæ фехъусын кодта финансон фæрæзты тыххæй, кæцытæ цæуынц Уæрæсейы Федерацийæ Инвестицион программæ реализаци кæнынæн. Йæ ныхæстæм гæсгæ, æппæт бахæсгæ суммæтæ ист æрцыдысты.
Бибылты Анатолийæн ма фехъусын кодтой, зæгъгæ, Хуссар Ирыстоны арæзтадон æрмæджытæй ифтонг кæныны проблемæ нæй.
Йæ рады, паддзахады сæргълæууæг æрæмбырдуæвджытæй æрдомдта, цæмæй фæбæрзонддæр кæной куысты гуырахст æмæ æрдомдта 2020 азы Инвестцион программæ сæдæ процентæй сæххæст кæнын.
«Æнæмæнгхъæуæг у куысты гуырахст фæуæрæхдæр кæнын. Æмбарын æй, уый у зын, уавæр хынцгæйæ, фæлæ Инвестицион программæ фактон æгъдауæй æххæст хъуамæ æрцæуа 100 процентæй», – загъта уый.
Уый фæстæ æмбырды хайадисджытæ лæмбынæгдæрæй æруынаффæ кодтой боны фæткыл.
Comments are closed, but trackbacks and pingbacks are open.