21 мартъийы Уæрæсейы Федерацийы Фæсарæйнаг хъуыддæгты министрады уыдис РХИ-йы Фæсарæйнаг хъуыддæгты министр Джиоты Алан æмæ УФ-йы фæсарæйнаг хъуыддæгты министры хæдивæг Михаил Глазуны фембæлд.
Ныхасы рæстæджы уыдон кæрæдзийæн сæ хъуыдытæ загътой дыууæварсон ахастыты актуалон фарстыты фæдыл, уыдоны нымæцы нæ республикæйы æддагполитикон фарстатæ координаци кæнын æмæ дунеон бастдзинæдтæ рауæрæх кæныны фæдыл.
Æрдзырдтой Фæскавказы æдасдзинад æмæ стабилондзинады фæдыл Женевæйаг дискусситы фæлгæтты цы куыст бакæнинаг ис, уыцы фарстыл дæр. Дискусситы радон раунд уыдзæн апрелы райдианы.
Уынаффæ ма кодтой дывæр æмбæстагдзинады фарстатæ æрбæстон кæныны тыххæй Республикæ Хуссар Ирыстон æмæ Уæрæсейы Федерацийы ‘хсæн Сразыдзинад йæ тыхы бацæуынмæ хауæг фарстатыл дæр.
