БРИКС лæууы стыр ивындзинæдты къæсæрыл. Форумы президент Пурнима Ананд куыд фехъусын кодта, уымæ гæсгæ уыцы-иу рæстæджы æртæ бæстæйы равдыстой сæ фæндон организацийы уæнгтæ суæвыны тыххæй æмæ сты куырдиæттæ бадæттыны стадийыл. Уыдон сты Египет, Турк æмæ Саудоваг Арави. Уый размæ куырдиæттæ балæвæрдтой Аргентинæ æмæ Иран. Ананд куыд банысан кодта, афтæмæй ацы паддзахадтæй иуæй-иуты тыххæй уынаффæ кæндзысты баиугæнды иннæ саммиты, кæцы уагъд æрцæудзæн 2023 азы. Саудоваг Арави, Египет æмæ Турк сты перспективон кандидатурæтæ. Саудоваг Аравийы принц Мухаммед бин Салманы тынг фæнды БРИКС-мæ бацæуын. Ацы фарсты фæдыл дзырдæуыд 1-2 июны Эр-Риядмæ УФ-йы Фæсарæйнаг хъуыддæгты министр Сергей Лавровы визиты рæстæджы дæр. Турк æмæ Египет ныр цалдæр азы ахуыр кæнынц БРИКС-мæ баиу уæвыны фа-дæттæ. БРИКС-ы дунеон форумы президент Пурнима Ананд бафидар кодта ног бæстæты организацимæ райсыны фæдыл информаци. Йæ ныхæстæм гæсгæ, 23-24 июны Китайы виртуалон форматы уагъдцæуæг БРИКС-ы лидерты 14-æм саммиты рæстæджы ацы фарстыл уынаффæ кодтой Уæрæсе, Китай æмæ Инди.
Ацы бæстæтæ иууылдæр равдыстой сæ цымыдисдзинад æрбаиу уæвынмæ æмæ цæттæ кæнынц куырдиæттæ бадæттынмæ. Баиугæндмæ Турк, Саудоваг Арави æмæ Египеты бацыд хъуамæ ма бацахса бирæ рæстæг, уымæн æмæ ацы бæстæтæ ныридæгæн сты процессы. «Ныфс мæ ис, БРИКС-мæ ацы бæстæты бацыд тагъд кæй æрцæудзæн, уымæн æмæ баиугæнды цымыдисты ис организаци рауæрæхдæр кæнын», – фехъусын кодта форумы президент.
Ананд банысан кодта, зæгъгæ, украинæйаг кризисы фæстæ фиппайдæуы БРИКС-ы реалон тых. «Ис шанс, баиугæндæн йæ бон кæй суыдзæн ног дунеон фæтк саразыны, ног дунеон реа-литы тыххæй авиацион, базарадон æмæ финансон марш-руттæ бакусын», – бамбарын кодта Ананд.
23-24 июны баиугæнды саммит Китайы сæрдариуæгадæй райста бирæ фылдæр уазджыты. Фондз бæстæтæ-хайадисджытæй дарддæр ма дзы хайад райстой 13 паддзахады. Китайы лидер Си Цзиньпин йæ раныхасы фехъусын кодта, зæгъгæ, бæстæтæ-хайадисджытæ хъуамæ фæтагъддæр кæной баиугæндмæ ног бæстæты æрбакæныныл.
Абон БРИКС-ы уæнгтæ, бæстæтæ-хайадисджытæ сты Бразили, Уæрæсе, Инди, Китай æмæ Хуссар Африкæйаг Республикæ.
Ацы æрмæджытæ дæр бакæс:
Уæрæсейаг нефты бæсты — зынаргъдæр нефт
Æрдзон газ ссис дунеон политикæйæ æххæстбарджын архайæг
Уæддæр цæй тыххæй амардтой саудоваг журналисты?
Хъуылымбегты Доменти хайад райста Сочийы инвестицион форумы
Хуссар Ирыстоны делегацийы хайадист Сочийы Æхсæнадæмон форумы фæахъаз ис РХИ-йы æхсæнадæмон бастдзинæдтæ рауæрæх кæнынмæ
Comments are closed, but trackbacks and pingbacks are open.