12-æм апрелы Хицауады Сæрдары разамындæй уагъд æрцыд Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы объектты арæзтадыл контроль кæныны фæдыл штабы æмбырд.
Боны фæткы сæйрагдæр фарстатæй иу ссис 2023 азæн Инвестпрограммæйы фæстиуджытыл æруынаффæ кæнын. «Абон æркæсдзыстæм 2023 азы Инвестпрограммæйы фæстиуджытæм. Аз уыд вазыгджын, бирæ нын бантыст саразын, фæлæ ис ацы азмæ рахизгæ объекттæ дæр. Ацы аз мах райдайдзыстæм ног программæ. Йæ сæххæст кæныны тыххæй æнæмæнгхъæуæг у, цæмæй алчидæр йæ фадыджы равдиса бæрндзинад», – загъта Джуссойты Константин.
Арæзтад, архитектурæ æмæ цæрæнуатон-коммуналон хæдзарады министр Елдзарты Константин радзырдта Инвестпрограммæ куыд реализаци цыд, уый тыххæй. Йæ доклады банысан кодта, зæгъгæ, Инвестпрограммæйы мадзæлттæ фактон æгъдауæй реализаци æрцыдысты 95 процентæй фылдæр, фæлæ хатдзæгон документтæм хаст не ‘рцыд сæххæстгонд арæзтадон куыстыты æппæт гуырахст.
Уый ма фехъусын кодта, зæгъгæ, ивгъуыд азы фæстиуджытæм абаргæйæ, фиппайдæуы фæрæзты экономи, кæцытæ рахызтысты 2024 азмæ.
Джуссойты Константин хъусдард аздæхта æппæт хыгъдон документтæ, экспертизæтæ райсын æмæ проектон-сметæйон документаци афоныл бацæттæ кæныны æнæмæнгхъæуындзинадмæ.
Æмбырды хайадисджытæ ма æруынаффæ кодтой 13 коммунары уынджы хиды арæзтадыл, Зонкъары донæмбырдгæнæны æхгæнæн уадзæн комплекс сæндидзын кæныны фæдыл арæзтадон-монтажон куыстытыл æмæ 2023-2025 азтæн Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы объектты фæдыл куыстытæ райдайынмæ бацæттæ кæныныл.
Ацы æрмæджытæ дæр бакæс:
Уынаффæ цыдис социалон-экономикон рæзты фарстатыл
Паддзахадон æххуыс – нысанмæздæхт мадзæлттæн
Сæйраг фарста – чысыл æмæ астæуккаг амалиуæгадæн æххуыс кæнын
Бибылты Анатоли: «Куысты махæн ахсджиаг у фæстиуæг»
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
