ДÆ ЦÆСТ АХÆСС ДУНЕЙЫЛ

Фембæлд Берлины

Берлины фембæлд уыд «нормандская четверка»-йы бæстæты (Герман, Уæрæсе, Украинæ, Франц) фæсарæйнаг хъуыддæгты министрадты сæргълæуджытæн. Дзыллон информацийы фæрæзтæ куыд хъусын кæнынц, уымæ гæсгæ баныхæстæ «цыдысты уæззау» æмæ ахæссыдысты 4,5 сахаты. Фембæлды фæстæ Сергей Лавров фехъусын кодта, зæгъгæ, рабадты хайадисджытæ æркастысты Украинæйы фæдыл бирæнымæц фарстытæм, уыцы нымæцы амынæтты ссæрибар  кæныны фарстмæ дæр. Лавров ма куыд банысан кодта, уымæ гæсгæ Уæрæсе скритикæ кодта æмæ не сразы Донбассы фидауынгæнæг миссийы фæдыл АИШ-ы идеяйыл.

Историон саммит

Хæрзæрæджы дæр ма кæрæдзимæ æртхъирæнтæ чи æрвыстой АИШ æмæ Цæгат Кореяйы уыцы лидертæ абон кæрæдзийы къухтæ райстой. Уыцы рæстæджы сын пресс-центры æмдзæгъд кодтой, уымæн æмæ америкæйаг президенттæй ничи радта йæ къух Цæгат Кореяйы лидертæй искæцымæ. Ким Чен Ын æмæ Дональд Трамп: «Мах нæ къухтæ æрфыстам историон документыл. Дуне фендзæн фантастикон ивындзинæдтæ». Райсгæ тексты Ким баныфсæвæрдта денуклеаризаци, ома, фервæздзæн ядерон программæйæ. Дзуаппæн ын Трамп гаранти кæны æдасдзинад. Æдасдзинады гарантитæй иу у Хуссар Кореяимæ иумиаг æфсæддон ахуыртæ кæй нал уадздзысты, уый. Трамп ской кодта Хуссар Кореяйæ америкæйаг æфсæдты ракæныны тыххæй, цыран ис 32 мин америкæйаг æфсæддон службæгæнæджы, фæлæ, зæгъ, фæстæдæр. Дыууæ бæстæйы саммиты хатдзæгтæм гæсгæ, къухтæ цы документыл æрфыстой, уым сæхимæ хæс райстой ног форматы дыууæфарсон ахастытæ саразыны тыххæй.

Фæсыкк кодтой боевикты фæнд

Сирийы æфсæдтæ Уæрæсейы авиацийы æххуысæй фæсыкк кодтой террористы æрбабырст Пальмирæйы ‘рдæм. «Фондз боевикы, пикал æмæ иу мотоцикл куынæг æрцыдысты. Иннæ экстремисттæ фæстæмæ алæууыдысты», – фехъусын кодта фидыдады уæрæсейаг центр.

Цæттæ кæнынц ног провокаци

Сирийы цæттæ кæнынц серьезон провокаци Дейр-эз-Зоры хъæстæгæнæн буарадтæй спайда кæнгæйæ. Провокаци цæттæ кæны афтæхуыйнæг «Сириаг сæрибар арми»-йы командæкæнынад специалон операциты америкæйаг æфсæддон службæгæнджыты æххуысæй. «Химион атакæ» симитаци кæныны тыххæй цæрæн пункттæй сæ иумæ баластæуыд хлоримæ баллонтæ.

Уæрæсейы боны цытæн

Сирийы Хмеймимы авиабазæйы уагъд æрцыдысты бæрæгбонон мадзæлттæ Уæрæсейы боны цытæн. Цытджын митингы æфсæддон службæгæнджыты раз бакастæуыд УФ-йы Хъахъхъæнынады арфæйы фыстæг. Уымæй дарддæр ма æфсæддон службæгæнджытæй йæхи хуыздæр чи равдыста, уыдон хорзæхджын æрцыдысты паддзахадон хорзæхтæй. Персоналы раз ралæууыдысты уæрæсейаг хуыздæр зарæггæнджытæ, музыкалон æмæ кафты коллективтæ.

Хуындзæн Республикæ Цæгат Македони

Македония нырæй фæстæмæ хуындзæн Республикæ Цæгат Македони, уый тыххæй сæрмагонд пресс-конференцийы фехъусын кодта бæстæйы премьер-министр Зоран Заев. Заев æмæ йæ грекъаг коллегæ Алексис Ципрас ныхас кодтой телефоны. Фæрстæн сæ къухты бафтыд Республикæ Македонийы конституцион номы фæдыл сразыдзинад, кæцы фæндаг гом кæны Скопьейæн Евроцæдис æмæ НАТО-мæ бацæуынæн. Премьер банысан кодта, зæгъгæ, грекъаг æмæ македониаг хицауад хъуамæ сæ къухтæ æрфыссой бадзырдыл æмæ йæ уый фæстæ та сратификаци кæндзысты парламенты. Республикæйы æмбæстæгтæн фæззæджы уагъд æрцæудзæн референдум ном сфидар кæныны фарсты фæдыл. Номы тыххæй дыууæ бæстæйы ‘хсæн быцæутæ цыдысты 25 азы дæргъы.

Æнамонд цау

Волгограды катамаран æмæ баржæ кæрæдзийыл кæй сæмбæлдысты, уый фæстиуæгæн фæмард сты 11 адæйма-джы. Æнамонд цау æрцыд Волгæйы акваторийы порты районы. Фæмардуæвджыты ‘хсæн ис Волгограды областы Калачаевы районы раздæры сæргълæууæг, Волгограды горæтон думæйы экс-депутат Дмитрий Хахалев. Номхуындæй уый уыд катамараны хицау æмæ скъæргæ дæр кодта йæхæдæг. Паддзахадон инспекцийы регистрации чи нæ уыд, уыцы катамараны æдæппæтæй уыд 16 адæймаджы.

Теракт

Кабулы теракты фæстиуæгæн фæмард сты 17 адæймаджы, 40 адæймаджы та цæфтæ фесты. Химар йæхи спырх кодта Афганистаны горæтон æндидзынад æмæ рæзты министрадмæ бахизæны, кæцыйы кусджытæ уыцы рæстæджы рацæйхызтысты уынгмæ. Теракты тыххæй бæрндзинад йæхимæ райста «Ислаймаг паддзахад»-ы къорд.

Информацион агентадты хъусынгæнинæгтæм гæсгæ