Республикæ Хуссар Ирыстоны Централон æвзарæн къамис йæ радон 76-æм рабадты рæстæджы æркаст дыууæ политикон парти æмæ 26 кандидаты фарстмæ. Бæрæггæнæн куыстыты хатдзæгтæм гæсгæ къамис срегистраци кодта Парламенты депутаттæм 17 кандидаты.
Регистраци æрцыдысты Хуыгаты Алан (3-æм округ), Коцты Игорь (1-æм округ), Гæджиты Марат (14-æм округ), Бæззаты Владимир (13-æм округ) Сиукъаты Олег (14-æм округ), Хъотайты Димитр (15-æм округ), Тедеты Лери (3-æм округ), Бестауты Николай (17-æм округ), Гуссалты Хох (7-æм округ), Гæбæраты Гамлет (7-æм округ), Хуыбылты Илья (17-æм округ), Гаглойты Малхаз (6-æм округ), Дзæгъиаты Таймураз (8-æм округ), Козаты Джемал (14-æм округ), Жажиты Таймураз (6-æм округ), Уалыты Мурат (10-æм округ) æмæ Уанеты Алан (5-æм округ).
Республикæ Хуссар Ирыстоны Централон æвзарæн къамис срегистраци кодта политикон парти «Иууон Ирыстон»-ы кандидатты республикон номхыгъд. Номхыгъдæй рацух Цоциты Игорь йæхи куырдиатмæ гæсгæ. Уымæй дарддæр, къамисы уынаффæмæ гæсгæ, номхыгъдæй рацух сты ноджы дыууæ кандидаты – Дудайты Инал æмæ Коцты Олеся. Республикон партийы номхыгъд регистраци æрцыд 16 адæймаджы скондæй.
Уыцы бон ма къамис не сразы иумандатон æвзарæн округты 8 кандидаты регистрацийыл. Не сразы политикон парти «Ирыстоны ног фæлтæр»-ы регистрацийыл дæр, номхыгъд срегистраци кæныны тыххæй документты пакет кæй нæ бавдыста, уый тыххæй.
Къухфыстыты сыфты рæдыдтытæ кæй уыд, æфтиæгты тыххæй æххæст информаци кæй не ‘рбавдыстой, тæрхон кæуыл æрцыд кæнæ тæрхондзинад кæй нæ систой, афтæ ма сæм фæсарæйнаг бæстæйы æмбæстагдзинад кæй уыд, æппæт уыдæттæ уыдысты иумандатон æвзарæн округы кандидатты не срегистраци кæныны аххосаг.
Коцты Русланы (4-æм округ), Æлборты Алексейы (14-æм округ), Джиоты Иналы (5-æм округ), Хъазиты Зелимы (3-æм округ), Харебаты Валерийы (5-æм округ), Борцвадзе Иваны (16-æм округ), Пухаты Валерийы (16-æм округ) æмæ Гаглойты Давиды (5-æм округ) регистрацийыл къамис не сразы.
Нæ уацх.
