Президент Гаглойты Алан мæсæллæйы тел арвыста Хуссар Ирыстоны Хæлардзинады ордены кавалер, горæт Цхинвалы цытджын æмбæстаг Алексей Востриковы бинонтæ æмæ æввахс хиуæттæн йæ амæлæты тыххæй.
Мæсæллæйы телы дзырдæуы:
«Республикæ Хуссар Ирыстоны хъыгзæрдæйæ райстой Гарзджын тыхты булкъон, горæт Краснодары горæтон думæйы депутат, Хуссар Ирыстоны Хæлардзинады ордены кавалер, горæт Цхинвалы цытджын æмбæстаг Алексей Востриковы æнæрæстæджы амæлæты хабар.
Йæ цардæй ахицæн æцæг уырыссаг афицер, патриот, æхсарджын адæймаг, кæцы йæ цард снывонд кодта йæ райгуырæн бæстæйæн, йæ адæмæн æнувыдæй лæггад кæнгæйæ удуæлдайæ тох кодта Райгуырæн зæххы интерестыл.
1991-1992 азты гуырдзиаг-ирон хæсты рæстæджы Алексей Никитайы фырт æнæфæцудгæ ныхдур уыд гуырдзиаг гарзджын æфсадæн, кæцытæ фыдмитæ кодтой Хуссар Ирыстоны сабыр цæрджытæн.
Уый алкæмæндæр ссис уæлдæр кад æмæ æхсардзинады цæвиттон, йе сгуыхтдзинæдтæ никуы ферох уыдзысты Хуссар Ирыстоны адæмæй.
Ацы хъынцъымы рæстæджы уемæ дих кæнын уæ рыстдзинад æмæ мæсæллæйы ныхæстæ зæгъын Алексей Никитайы фырты бинонтæ æмæ æввахс хиуæттæн».
Comments are closed, but trackbacks and pingbacks are open.