Дзæуджыхъæуы уагъд æрцыд бæрæгбонон мадзал Абайты Васойы Гуманитарон æмæ социалон иртасæнты цæгатирыстойнаг институты сарæзтыл 100 азы сæххæсты цытæн.
Юбилейон мадзæлтты хайад райстой Хуссар Ирыстон, Абхаз, Цæгат Кавказы республикæты, афтæ ма Турчы ирон æхсæнады делегацитæ.
Институты коллективы раз арфæйы ныхæстимæ ралæууыд РХИ-йы Паддзахадон уынаффæгæнæг Коцты Къоста æмæ æрæмбырдуæвджыты базонгæ кодта Президент Бибылты Анатолийы арфæйы фыстæгимæ.
Зынаргъ хæлæрттæ!
Арфæ уын кæнын Гуманитарон æмæ социалон иртасæнты цæгат-ирыстойнаг институты сарæзтыл 100 азы сæххæсты цытæн! Уый у æнусон юбилей æрмæст институты коллектив æмæ республикæйы зонадон æхсæнадæн нæ, фæлæ æппæт Ирыстонæн дæр.
Зын революцион рæстæджыты æмæ æмбæстагон хæсты арæзт куыд ирон историон-филологон æхсæнад, Институт рацыд æндидзыны æмæ рæзты фæндаг зонад-иртасæн центры банымад райсгæйæ. Историйы æппæт этапты Институт бахъахъхъæдта æнувыддзинад йæ бæрзонд нысаныл æмæ йæ сæдæазон юбилейыл æмбæлы йæ зонадон-сфæлдыстадон потенциалы дидинæф-таугæйæ.
Институты уæвынады рæстæджы, уымæй йæ кусджыты ‘хсæн уыдысты национ æндидзынады зынгæ архайджытæ, дунейы но-мимæ зынгæ ахуыргæндтæ, кæцытæн ис бæрзонд академион æмвæзад, бындур æрæвæрдтой размæ кæныны куыст æмæ зонадон иузæрдыгдзинады традицитæн, кæцыты хъахъхъæд цæуынц æмæ дывæр кæнынц иртасджыты ног фæлтæртæ.
Гуманитарон æмæ социалон иртасæнты цæгат-ирыстойнаг институтæн ис стыр нысаниуæг республикæйы интеллектуалон æмæ культурон потенциал рæзын æмæ фидар кæнынæн. Бирæпланон иртæстытæ, кæцытæ цæуынц Институты, уыдонæн ис зын æмæ ахсджиаг нысаниуæг фыдыбæстæйон зонады традицитæ, национ культурæ, ирон æвзаг, республикæйы рæзты фæндæгтæ бамбарыны традицитæ адарддæр кæнынæн.
Хуссар Ирыстоны стыр аргъ кæнынц Гуманитарон æмæ социалон иртасæнты цæгат-ирыстойнаг институт интеграцион про-цесстæн, дыууæ республикæйы ‘хсæн ирзонынады фадыджы æмгуыстады æмæ баивдтыты традицитæ сфидар кæнынмæ цы хайбавæрд хæссынц, уымæн.
Ныфс мæ ис, Гуманитарон æмæ социалон иртасæнты цæгатирыстойнаг институт йæ рагон традицитæ хъахъхъæнгæйæ, рæстæджыты æмæ фæлтæрты бастдзинады ног идейæтæ æмæ здæхтыты байгом кæныны æмиуады, дарддæр дæр уыдзæн зонадон хъуыдыйы раздзæуæг национ центртæй сæ иу, йæ хай-бавæрд ирон зонад æмæ культурæйы рæзтмæ хæсгæйæ.
Институтæн мæ цæст уарзы дидинæфтыд, йæ кусджытæн та фидар æнæниздзинад, фæрныгад, энерги, æнтыстытыл циндзи-над, æппæт плæнтты сæххæст кæнын æмæ дарддæры æнтыстытæ республикæйы хæрзиуæгæн.
Уадз æмæ уын зонадæн лæггад кæнын хæсса æрмæст циндзинад, кæцыйæн сымах снывонд кодтат уæ куыстытæ!
Республикæ Хуссар Ирыстоны Президент БИБЫЛТЫ Анатоли
Comments are closed, but trackbacks and pingbacks are open.