Ивгъуыд къуыри улæфт бонты Хуссар Ирыстоны Æфснайæн бангы кусджытæ сæ бинонтимæ ацыдысты Знауыры район Гъуертеуы хъæумæ, цæмæй бафснайой ацы хъæуы цы кувæндæттæ ис, уыдон. Æртæиууон кувæндон цы сыгъдæг бынаты ис, уым зиу саразыны хъуыды æрцыд ацы хъæуæй ацæуæг гъуертеуккаг лæппумæ, кæцы ныртæккæ кусы Æфснайæн бангы.
Бангы хистæр Дзуццаты Димитр куыд зæгъы, афтæмæй сæ куыстуат сфæнд кодта Ирыстоны кувæндæттæй искæцыйы æфснайыны хæс йæхимæ райсын. Ахæм фæлтæрддзинад ис бастдзинад «Мегафон»-ы коллективмæ. Уыдон та ивгъуыд аз базылдысты Цхинвалы районы Сау дзуары номыл кувæндонмæ. Адæм кувынмæ цы адæм цæуы, уыдонæй бирæтæ сæ фæстæ ныууадзынц брæттæ. Ныр уым сыгъдæг кæныны хæс цæсгомджынæй æххæст кæны ацы коллектив.
Дзуццаты Димитр куыд зæгъы, афтæмæй райдианы сæ хъуыдыйы уыд бафснайын Чъимасы цæугæдоны былгæрон улæфæн бынæтты. Фæлæ се ‘мкусæг куы загъта, ома, нæ акци сыгъдæг бынатæй райдайæм, уæд коллектив дæр дыууæ нал загъта. Ацы хъæуæй ацæугæ адæм Гъуертеумæ æрæмбырд вæййынц куадзæны фæстæ дыццæджы. Канд йæ кувыны бонты нæ цæуынц фæлæ æндæр бонты йæм дæр, рæсугъд бынаты кæй ис, уый сæ йæхимæ æлвасы. Æртæиууон дзуар Культурæйы министрады зонæнтæм гæсгæ арæзт æрцыд XIVæнусы.
Æфснайæн банчы кусджытæ сæ байзæттæгтимæ хæрз æфснайд бакодтой ацы сыгъдæг бынæттæ. Сæ фарсмæ æрбалæууыдысты æхсæнадон организаци «Чистый мир» дæр.
Цы 20 голладжы бæрц брон æрæмбырд ацы бынаты, уыдон дихгонд æрцыдысты брæтты хицæн хуызтыл æмæ ласт æрцыдысты ацы организацийæн цы бронвзарæн цех ис, уырдæм.
Кæй зæгъын æй хъæуы, уый хорз хъæппæрис у, уæлдайдæр та сывæллæттæ семæ кæй уыдысты. Уый иттæг хорз дæнцæг уыдзæн æндæр сабитæн дæр, зондзысты æрдзы чъизи кæнын кæй нæ хъæуы.
УАЗÆГТЫ Марфа
Comments are closed, but trackbacks and pingbacks are open.