Президент Гаглойты Алан раарфæ кодта Уæрæсейы Федерацийы Президент Владимир Путинæн Уæрæсейы Конституцийы боны цытæн.
Арфæйы телы дзырдæуы:
«Цытджын Владимир Владимиры фырт!
Республикæ Хуссар Ирыстоны адæм, йæ разамынад æмæ сæрмагондæй мæхи номæй арфæ кæнын паддзахадон бæрæгбон — Уæрæсейы Конституцийы боны цытæн.
Бæстæйы хъысмæт скъуыддзаггæнæн рæстæджы ист Конституци ссис паддзахады иудзинад сфидар кæныны бындур æмæ бæстæйы æндидзынады фундамент.
Ныртæккæйы зын геополитикон уавæрты Конституцийы принциптæ æмæ нормæтæ æххæст кæнын бæрæг кæнынц фæд-фæдылон архайд, кæцытæ здæхт сты, национ интерестæ, æмзæххонты цард хъахъхъæнын, суверенитет сфидар кæнын, Уæрæсейы фæд-фæдылон рæзт, историон æцæгдзинад хъахъхъæнын æмæ цивилизацион æргъадтæн æнувыддзинадмæ.
Патриотон бæрзонддзинад, æмбæстæгты æнгомдзинад Фыдыбæстæйы хæрзиуæгæн сты, бæстæйы дæ къухдариуæгадæй цы курс реализаци цæуы, ууыл адæмы фарсхæцынады æцæг бæлвырдгæнæн æмæ Уæрæсейы ныхмæ æнæхæларадон архайдтытæн аккаг дзуапп.
Мæ цæст дын уарзы, цытджын Владимир Владимиры фырт, фидар æнæниздзинад, æнтыстытæ бæстæйы хæрзиуæгæн, Уæрæсейы Федерацийы æппæт цæрджытæн та — хорздзинад, фæрныгад æмæ дидинæфтыд».
***
Гаглойты Алан ма Уæрæсейы Федерацийы Конституцийы боны цытæн раарфæ кодта УФ-йы Хицауады Сæрдар Михаил Мишустин, УФ-йы Федералон Æмбырды Федерацийы Советы Сæрдар Валентинæ Матвиенко, УФ-йы Федералон Æмбырды Паддзахадон Думæйы Сæрдар Вячеслав Володинæн.
