Гаглойты Аланы арфæ Владимир Путинæн
Президент Гаглойты Алан раарфæ кодта Уæрæсейы Федерацийы Президент Владимир Путинæн Стыр Фыдыбæстæйон хæсты Уæлахизыл 78 азы сæххæсты цытæн.
Цытджын Владимир Владимиры фырт!
Республикæ Хуссар Ирыстоны адæмы, къухдариуæгады æмæ дын сæрмагондæй мæхи номæй арфæ кæнын Уæлахизы боны цытæн.
Хæстонтæ-уæлахиздзауты тыххæй мысынад у æвæджиаг. Мах кæддæриддæрт бузныг уыдзыстæм, Райгуырæн зæххы сæраппонд тохы быдыры йæ цардыл нæ ауæрдгæйæ чи тох кодта æмæ Уæлахиз чи æрхаста, уыдонæй. Æгæрон æхсардзинад æмæ хъайтардзинады фæрцы нæ фыдтæ æмæ нæ дадатæ бафæрæзтой æмæ фæуæлахиз сты фашизмыл, сæ фæдонтæн балæвар кодтой сæрибарæй цæрын æмæ сывæллæттæ хъомыл кæныны фадат.
Æмæ абон дæр Стыр Фыдыбæстæйон хæсты хъайтартæ цæвиттойнаг сты Уæрæсейы æмæ Хуссар Ирыстоны хæстонтæн, кæцытæ тох кæнынц Украинæйы неофашизмы ныхмæ. Ныфс мæ ис, хæсты хъайтарты æхсардзинад æмæ хъæддыхдзинады тыххæй мысынад нæ адæмы кæй æнгом кæндзæн, сæ монон æмæ хæрзуагон тыхтæ кæй рæздзысты.
Ацы нысаниуæгджын боны, цытджын Владимир Владимиры фырт, мæ цæст уарзы дæуæн æмæ Уæрæсейы æппæт æфсымæрон адæмæн уды æвидигæ тых, æнæфæцудгæ æууæнк, æнтыстытæ æмæ уæлахизтæ.
***
Президент Гаглойты Алан ма Уæлахизы боны цытæн раарфæ кодта УФ-йы Хицауады Сæрдар Михаил Мишустинæн.
Владимир Путины арфæ Гаглойты Аланæн
Цытджын Алан Эдуарды фырт!
Айс зæрдиаг арфæтæ Стыр Фыдыбæстæйон хæсты Уæлахизыл 78 азы сæххæсты цытæн.
Уæрæсейы æмæ Хуссар Ирыстоны адæмтæн ацы бæрæгбон у нæ фыдтæ æмæ дадатæ æхсардзинады, уæлахиздзау фæлтæры хъайтардзинады символ – нæ фыдтæ æмæ нæ дадаты, кæцытæ фронты сæ æхсарджын сгуыхтдзинæдтæй æмæ фæсчъылдымы удуæлдай куыстæй сифтонг кодтой нацистон тыхæйисджытыл уæлахиз.
Ныфс мæ ис, нæ кадджын иумæйаг историйы тыххæй мысынад дарддæр дæр фидар бындур кæй уыдзæн нæ паддзахадты ‘хсæн хæларадон, æмцæдисон ахастытæ рæзын кæнынæн.
Курæг дæ дæн, цæмæй Хуссар Ирыстоны цы ветерантæ цæрынц, уыдонæн зæгъай мæ иууыл хъармдæр арфæтæ, афтæ ма æнæниздзинад, уды хъæддыхдзинад æмæ бирæ азты цæрæнбоны фæндиæгтæ.
***
Уæлахизы боны цытæн Президент Гаглойты Аланæн раарфæ кодтой: УФ-йы Æдасдзинады советы сæрдары хæдивæг Дмитри Медведев, Приднестроваг Молдоваг Республикæйы президент Вадим Красносельский, Республикæ Арцахы Президент Араик Арутюнян, Турчы Республикæйы Республикæ Хуссар Ирыстоны Æххæстбарджын минæвар Хоситы Бурхан.
