Уæрæсейы Федерацийы Президент Владимир Путин раарфæ кодта Республикæ Хуссар Ирыстоны Президент Гаглойты Аланæн йæ райгуырæн боны цытæн. Арфæйы тел хуссарирыстойнаг паддзахады сæргълæууæгмæ радта РХИ-йы УФ-йы Уæлвæткон æмæ Æххæстбарджын минæвар Марат Кулахметов.
«Абон у хорз бон, дæ райгуырæн бон. Уымæ гæсгæ дын Уæрæсейы Федерацийы къухдариуæгад арфæ кæны æмæ дын йæ цæст уарзы фæрныгад», – загъта Марат Кулахметов.
Арфæйы телы дзырдæуы, зæгъгæ, иумæйаг тыхтæй Уæрæсейы Федерацийы æмæ Республикæ Хуссар Ирыстоны ‘хсæн хæларадон æмцæдисон ахастыты дарддæры рæзт ифтонг цæудзæн.
Гаглойты Аланæн Владимир Путины цæст бауарзта фидар æнæниздзинад, амонд, фæрныгад æмæ æнтыстытæ паддзахадон архайды.
Владимир Путины арфæты тыххæй Гаглойты Алан бузныджы ныхæстæ загъта минæварæн.
«Ацы аз у вазыгджын, фæлæ иумæйаг тыхтæй нæ бон суыдзæн бирæ æнтыстытæ къухты бафтын кæнын. Афтæ хъуыды кæнын, æмæ азы кæрон махæн нæ бон суыдзæн зæгъын, паддзахады раз цы хæстæ æвæрд ис, уыдон нæ бон кæй суыдзæн аскъуыддзаг кæнын. Æндæр варианттæ махæн нæй», – загъта Президент.
***
Гаглойты Аланæн ма йæ гуырæн боны цытæн раарфæ кодтой: Сириаг Арабаг Республикæйы Президент Башар Асад; УФ-йы Æдасдзинады советы сæрдар Дмитри Медведев; УФ-йы Федералон Æмбырды Федерацийы Советы Сæрдар Валентина Матвиенко; УФ-йы Хицауады Сæрдар Михаил Мишустин; Республикæ Цæгат Ирыстон-Аланийы сæргълæууæг Сергей Меняйло; Республикæ Цæгат Ирыстон-Аланийы Хицауады сæрдар Дзанайты Борис;; Приднестроваг Молдаваг Республикæйы Президент Вадим Красносельский; УФ-йы Федералон Æмбырды Федерацийы совет æмæ Республикæ Хуссар Ирыстоны Парламенты ‘хсæн æмгуыстады фæдыл къамисы æмсæрдар, УФ-йы сенатор Сергей Цеков; акционерон æхсæнад «Газпром»-ы правленийы сæрдар Алексей Миллер; акционерон æхсæнад «Россети»-йы генералон директор Андрей Рюмин; Луганскы Адæмон Республикæйы Адæмон советы сæрдар Денис Мирошниченко; Татарстаны Республикæйы Сæргълæууæг Рустам Минниханов; Хъæрæсе-Черкескы Сæргълæууæг Рашид Темрезов; УФ-йы Æдасдзинады советы нымæрдар Николай Патрушев; УФ-йы Æдасдзинады советы нымæрдары фыццаг хæдивæг Рашид Нургалиев; Ленинграды областы губернатор Александр Дрозденко; Республикæ Хуссар Ирыстоны Уæрæсейы Федерацийы Уæлвæткон æмæ Æххæстбарджын минæвар Марат Кулахметов; Уæрæсейы Федерацийы Хицауады Сæрдары хæдивæг Александр Новак; Хъырымы Республикæйы министрты советы сæрдары хæдивæг, УФ-йы Президенты цур Республикæ Хъырымы æдзухон минæвар Георги Мурадов; Паддзахадон унитарон куыстуат «ТЭК СПб»-йы генералон директор Иван Болтенков; Ахуырады фæдыл УФ-йы Паддзахадон думæйы комитеты сæрдары фыццаг хæдивæг Яна Лантратова; сывæллæты фондты æхсæнадæмон ассоциацийы президент, фыссæг, УФ-йы сгуыхт журналист Дмитри Лиханов; хæдбар паддзахадты æмхæларады хъуыддæгты, евразиаг интеграци æмæ æмзæххонтимæ бастдзинады фæдыл Паддзахадон думæйы комитеты сæрдары хæдивæг Тайсауты Хъазбег; ТАСС-ы генералон директор Андрей Кондрашов; Республикæ Абхазы Президент Аслан Бжания; Донецкы Адæмон Республикæйы Сæргълæууæг Денис Пушилин; Кæсæг-Балхъары Республикæйы Сæргълæууæг Хъазбег Коков; фæсарæйнаг бæстæтимæ æхсæнрегионалон æмæ культурон бастдзинæдты фæдыл УФ-йы Президенты управленийы хистæр Игорь Маслов; Цæцæны Республикæйы Сæргълæууæг Рамзан Кадыров; Республикæ Цæгат Ирыстон-Аланийы Парламенты Сæрдар Тускъаты Таймураз.
