Президент Бибылты Анатоли раарфæ кодта Уæрæсейы Федерацийы Президент Владимир Путинæн Стыр Фыдыбæстæйон хæсты советон адæмы Уæлахизыл 76 азы сæххæсты боны цытæн.
Арфæйы телы дзырдæуы:
«Цытджын Владимир Владимиры фырт!
Айс иууыл зæрдиагдæр арфæтæ Стыр Фыдыбæстæйон хæсты советон адæмы Уæлахизыл 76 азы сæххæсты цытæн.
Нæ фыдтæ æмæ нæ дадаты егъау сгуыхтдзинад, кæцытæ бахъахъхъæдтой райгуырæн зæххы сæрибардзинад æмæ хæдбардзинад æмæ фервæзын кодтой дуне нацизмæй, æнустæм баззайдзæн ис-торийы. Уæлахиз ист æрцыд адæмы иудзинад æмæ фæндвидардзинады фæрцы, фæрсæй-фæрстæм тох кодтой Райгуырæн зæххы тыххæй уæлахизы онг.
Ныфс мæ ис, нæ адæмты ‘хсæн хæларадон ахастытæ, кæцытæ рацыдысты карз фæлварæнтæ Фыдыбæстæйон хæсты быдырты, кæй лæггад кæн-дзысты нæ адæмы ‘хсæн æмгуыстад æмæ интеграцийы дарддæр сфидар кæныны бындурæн.
Ацы нысаниуæгджын боны дын, цытджын Владимир Владимиры фырт, мæ цæст уарзы фидар æнæниздзинад, сабырад, амонд æмæ ног паддзахадон æнтыстытæ Уæрæсейы хæрзиуæгæн»
***
Уæрæсейы Федерацийы Президент Владимир Путин раарфæ кодта Президент Бибылты Анатолийæн Стыр Фыдыбæстæйон хæсты Уæлахизыл 76 азы сæххæсты цытæн.
Арфæйы телы дзырдæуы:
«Цытджын Анатоли Ильяйы фырт!
Зæрдиаг арфæ кæнын дæуæн æмæ Хуссар Ирыстоны æппæт цæрджытæн Стыр Фыдыбæстæйон хæсты Уæлахизыл 76 азы сæххæсты цытæн.
Нæ фыдтæ æмæ нæ дадатæ фæрсæй фæрстæм æхсарджынæй тох кæнгæйæ æнæнымæц зиæнтты аргъæй фæуæлахиз сты нацистон агрессортыл, бахъахъхъæдтой сабырад æмæ сæрибардзинад фидæны фæлтæры тыххæй.
Ныфс мæ ис, хæлардзинады традицитæ æмæ кæрæдзийæн æххуыс кæнын, кæцытæ фидар æрцыдысты карз хæстон фæлварæнты, дарддæр дæр кæй уыдзысты Уæрæсе æмæ Хуссар Ирыстоны ‘хсæн хæларсыхагон æмæ æмцæдисон ахастытæ рæзын кæныны фидар бындур.
Курæг дæ дæн, цæмæй дæ бæстæйы цы ветерантæ æмæ фæсчъылдымы фæллойгæнджытæ цæрынц, уыдонæн зæгъай æнæниздзинады, амонды, фæр-ныгады æмæ бирæ азты цæрæнбоны арфæтæ».
***
Президент Бибылты Анатоли ма Стыр Фыдыбæстæйон хæсты Уæлахизыл 76 азы сæххæсты цытæн раарфæ кодта: Уæрæсейы Федерацийы Хицауады Сæрдар Михаил Мишустин, Уæрæсейы Федерацийы Федералон Æмбырды Федерацийы Советы Сæрдар Валентинæ Матвиенко, Уæрæсейы Федерацийы Федералон Æмбырды Паддзахадон думæйы сæрдар Вячеслав Володин, Уæрæсейы Федерацийы Æдасдзинады Советы Сæрдары хæдивæг Дмитри Медведев, Уæрæсейы Федерацийы Президенты Администрацийы къухдариуæггæнæг Антон Вайно, Мæскуыйаг æмæ æппæт Уæрæсейы Патриарх Кирилл, Приднестроваг Молдаваг Республикæйы Президент Вадим Красносельский, Республикæ Арцахы Президент Араик Арутюнян, Республикæ Абхазы Президент Аслан Бжанияйæн.
***
Стыр Фыдыбстæйон хæсты Уæлахизыл 76 азы сæххæсты цытæн Президент Бибылты Анатолийæн раарфæ кодтой: Уæрæсейы Федерацийы Æдасдзинады Советы Сæрдары хæдивæг Дмитри Медведев, Луганскы Адæмон Республикæйы сæргълæууæг Леонид Пасечник, Уæрæсейы Федерацийы Паддзахадон Думæйы Хæдбар паддзахадты цæдисы хъуыддæгтæ, евразиаг интеграци æмæ æмзæххонтимæ бастдзинæдты фæдыл комитеты сæрдары хæдивæг Тайсауты Хъазбег æмæ æндæртæ.
Comments are closed, but trackbacks and pingbacks are open.