Арфæтæ – Медицинон кусæджы боны цытæн

Зынаргъ хæлæрттæ!

Арфæ уын кæнын медицинон кусæджы боны цытæн!

Ацы бæрæгбон  йæ нысаниуæгмæ гæсгæ нымад цæуы æнæниздзинад хъахъхъæныны æппæт кусджыты, иууыл зынаргъдæр – æнæниздзинад æмæ цард бахъахъхъæнын нын чи æххуыс кæны, уыдоны хæр-зиуæгон куысты тыххæй бузныджы ныхæстæ зæгъыны боныл.

Сымахæй алкæй куыстæн дæр зын саргъгæнæн у, сымах бонæй-бонмæ æвдисут æхсардзинад æмæ бæрзонд профессионалондзинады цæвиттон.

Мах хорз хъуыды кæнæм медицинон кусджыты сгуыхтдзинæдтæ гуырдзиаг хæстон агрессийы азты. Уæ профессионалон хæс удуæлдайæ æххæст кæнгæйæ, сымах ирвæзын кодтат не ‘мбæстæгты цард, адæмы æнæниз кодтат æмæ æвæрдтат сомбоны ныфс.

Æппæт адæймагадæн серьезон фæлварæн ссис COVID-19 пандеми. Уый æрдомдта æппæт фæрæзты мобилизаци. Æмæ ам дæр, Республикæ Хуссар Ирыстоны, куыд æнæхъæн дуне, афтæ сæмбæлд бирæ проблемæтыл. Фæлæ сымах уыцы фæлварæны ныхмæ фæлæууыдыстут, ноджы иу хатт сбæлдвырд кодтат уæ профессийыл æнувыддзинад æмæ равдыстат хуыздæр адæймагон миниуджытæ. Мæ сæрæй уын ныллæг кувын.

Фæстаг азты Хуссар Ирыстоны социалон-экономикон рæзтæн ахъазгæнæг Инвестицион программæ реализаци кæныны фæрцы республикæйы æнæниздзинад хъахъхъæныны системæ райста хъæугæ æххуыс. Эксплуатацимæ лæвæрд æрцыд нырыккон медицинон центр.

Фæлæ разæй ис бирæ куыстытæ: æнæмæнгхъæуæг у нырыккон технологитæ райсын, медицинон лæггæдты гъæд фæхуыздæр кæнын, фылдæр хъусдард здахын хъæуы квалификациджын кадртæ цæттæ кæнын æмæ  медицинон кусджыты социалон æмæ материалон уавæр хуыздæр кæнын.

Ацы фарстытæ аскъуыддзаг кæнын ахсджиаг сты Республикæ Хуссар Ирыстоны къухдариуæгадæн.

Дохтыр уæвын æрмæст професси нæу, уый у æцæг разæнгарддзинад. Бузныг уын уæ хорз куысты тыххæй. Мæ цæст уын уарзы æнæниздзинад, тыхтæ, энерги уæ разылæууæг хæстæ скъуыддзаг кæныны хъуыддаджы, сабырад æмæ хорздзинад уæхицæн æмæ уæ бинонтæн!

Республикæ Хуссар Ирыстоны  Президент ГАГЛОЙТЫ Алан

 

***

Республикæ Хуссар Ирыстоны медицинон фадыджы цытджын кусджытæ!

Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын уæ профессионалон бæрæгбон – Медицинон кусæджы боны цытæн.

Æнæниздзинад у сæйраг хæзна, æнæ уый нæй гæнæн адæймаджы амондджын цардæн, уымæ гæсгæ уæ куыст у хъæугæ æмæ кадджын. Уе ‘рвылбонон зын куыст здæхт у æмбæстæгты цард æмæ æнæниздзинад бахъахъхъæнынмæ. Медицинон кусджытæ алы хатт дæр хицæн кодтой профессионализм, удуæлдайдзинад, равзаргæ профессийæн æнувыддзинадæй. Уæ куысты сæйраг миниуджытæ сты хъусдард, быхстдзинад æмæ æмбарындзинад пациенттæм. Хатт рынчыныл тæригъæддзинад æмæ æнувыддзинад æрхæссы бирæ пайда. Сымах стыр хайбавæрд хæссут æнæниздзинад хъахъхъæныны системæйы рæзтмæ æмæ стыр æххуыс кæнут нæ республикæйы цæрджытæн.

Мæ цæст уын уарзы æнæниздзинад, амонд, циндзинад, бинонты фæрныгад æмæ ног æнтыстытæ уæ зын фæндагыл.

Республикæ Хуссар Ирыстоны Парламенты Сæрдар ТАДТАТЫ Алан