Цытджын æмзæххонтæ!
Зæрдиаг арфæ уын кæнын паддзахадон бæрæгбонтæй иууыл ахсджиагдæртæй сæ иу – Республикæ Хуссар Ирыстоны Хæдбардзинады Акт райсыны боны цытæн.
1992 азы 29 майы республикæйы Уæлдæр Совет райста Хуссар Ирыстоны хæдбардзинад расидыны Акт. Ацы цау расайдта референдум, кæцыйы фæстиуджытæм гæсгæ республикæйы цæрджыты 90 проценты схъæлæс кодтой хæдбардзинады тыххæй. Акт райсын ссис ахсджиаг этап хуссарирыстойнаг адæмы тох сæрибар хиæвзæрст фæндаг равзарынмæ, райдиан æрæвæрдта хицауады сæрмагонд органтæ æмæ закъондæттæн системæ саразынæн, кæцыйы бындуры æвæрд æрцыд Республикæйы Конституци.
Хæцæнгарзимæ, суверенитеты сæраппонд тохы, мах рацыдыстæм уæззау фæндаг, бавзæрстам бирæ зындзинæдтæ, æххормагдзинад, фесæфтам дадатæ æмæ нанаты, æфсымæртæ æмæ хоты, фырттæ æмæ чызджыты. Фæлæ, зындзинæдтæм нæ кæсгæйæ, мах фидар фæлæууыдыстæм, æрбангом стæм тохы рæстæджы æмæ нын бантыст историон рæстдзинад сæндидзын кæнын. Нæ бирæазон тохы хатдзæг ссис нæ хæдбардзинады банымад. Æмæ абон Республикæ Хуссар Ирыстон фидарæй цæуы равзæрст курсыл. Дарддæр демократон, барадон паддзахад аразы.
Зынаргъ æмзæххонтæ, ацы нысаниуæгджын боны уын мæ зæрдæ зæгъы амонд, фæрныгад, сабырад æмæ дидинæфтыд.
Республикæ Хуссар Ирыстоны
Парламенты Сæрдар ÆЛБОРТЫ Алан
