Сылгоймæгты æппæтдунеон боны цытæн ма нæ горæты киноконцертон зал «Чермен»-ы бæрæгбоны размæ уыдис концерт «Тебе, моя родная», зæгъгæ, ахæм номимæ. Цæмæй концерт аив æмæ хъæлдзæг рауадаид, уый тыххæй йæм развæлгъау сæхи бацæттæ кодтой Цхинвалы администрацийы культурæйы управлени. Ардæм фыццаджыдæр хуынд æрцыдысты нæ горæты сылгоймæгтæ. Уыдонæн бæрæгбонон арфæтæ зæгъынмæ концертмæ æрбацыдысты æмæ хайад райстой Цхинвалы мэр Къадзты Гено, Хуссар Ирыстоны Уæрæсейы Федерацийы минæварады минæвæрттæ æмæ æндæр бæрнон адæймæгтæ.

Бæрæгбонон концерт райдыдта сылгоймæгтæн арфæты ныхæстæй, йæ бæрзондзинад сылгоймаджы, ныййарæг мады цытæн. Ацы бон сылгоймæгтæн арфæ кодтой æрмæстдæр нæлгоймæгтæ. Аив æмæ æхцонхæссæг, зæрдæмæхъаргæ зарджытæ сылгоймæгтæн балæвар кодтой зарæггæнджытæ Харебаты Вадим, Тасойты Игорь, Санахъоты Алан, Æлборты Малхаз, Лалыты Альберт, Гуыцмæзты Георги, Плиты Григори, Ходты Эльбрус. Афтæ ма сценæйыл сæ арæхстдзинадæй сылгоймæгты зæрдæтæ бахъæлдзæг кодтой нæ горæты сфæлдыстадон коллективтæ «Ирон» æмæ «Булæмæргъ».

Бæрæгбонон концерт рауадис цымыдисон æмæ хъæлдзæг. сылгоймæгтæ сæ хæдзæрттæм здæхтысты хорз зæрдæйы равгимæ.

Цхуырбаты Ларисæ

 

Ацы æрмæджытæ дæр бакæс:

Уалдзæджы æрбалæуд æмæ сылгоймаджы кадæн Банысан кодтой сæ кадджын бæрæгбон «Кад кæнæм фыдыбæстæ хъахъхъæнæгæн» Къуайсайы: Фыдыбæстæ хъахъхъæнджыты цытæн бæрæгбонон мадзæлттæ Æхсардзинады боны цытæн

Comments are closed, but trackbacks and pingbacks are open.