Президент Бибылты Анатоли арвыста арфæйы фыстæг Уæрæсейы Федерацийы Уæлдæфон-десантон æфсæдтыл командæгæнæг инæлар-булкъон Андрей Сердюковмæ, цыран, сæрмагондæй дзырдæуы:
«Цытджын Андрей Николайы фырт!
Зæрдийаг арфæ кæнын дæуæн æмæ Уæрæсейы Федерацийы уæлдæфон-десантон æфсæдты хисæрмагонд скондæн уæ профессионалон бæрæгбон – Уæрæсейы Уæлдæфон-десантон æфсæдты боны цытæн.
Уæлдæфон-десантон æфсæдтæ уыдысты æмæ уыдзысты бæстæйы Гарзджын тыхты элитæ. Уыдон сты лæджыгъæд, хъæбатырдзинад æмæ Райгуырæн бæстæйыл æгæрон æнувыддзинады цæвиттон. Десантонтæ кæддæриддæр фыццаг æрбацæуынц æндыгъд бынæттæм, хæстарыд зæхмæ, семæ фарн æмæ сабырад хæсгæйæ. Хуссар Ирыстоны адæмы мысынады æнустæм баззайдзысты «æрвгъуыз беретты» сæрибаргæнæг хæстонтæ, 2008 азы «Махæй дарддæр чи», зæгъгæ, уыцы фæндвирарæй чи бафидар кодта, уыдон.
Фидарæй мæ уырны, УФ-йы Уæлдæфон-десантон æфсæдты хисæрмгонд сконды патриотизм, лæджыгъæд, ныфсхастдзинад, удуæлдайдзинад дарддæр дæр кæй уыдзысты сабырад æмæ фарн бахъахъхъæныны фæрæз.
Ацы бæрæгбон дæуæн æмæ æппæт сæрмагонд скондæн зæрдæбынæй зæгъын æнæниздзинады æмæ куысты стыр æнтыстыты фæндиæгтæ».
Comments are closed, but trackbacks and pingbacks are open.