Президент Гаглойты Алан Хæлардзинады орденæй схорзæхджын кодта Республикæ Хуссар Ирыстоны «Россотрудничество»-йы минæварады къухдариуæггæнæг Сергей Скворцовы.
Паддзахады сæргълæууæджы Барамындмæ гæсгæ хорзæх лæвæрд æрцыд УФ-йы æмæ РХИ-йы адæмты ‘хсæн хæларадон ахастытæ фидардæр кæнынмæ йæ сæрмагонд хайбавæрды тыххæй.
Гаглойты Алан бузныг загъта Сергей Скворцовæн йæ куысты тыххæй æмæ загъта Хуссар Ирыстоны тыххæй хъарм мысинæгтæ йæ зæрдæйы кæй баззайдзысты.
Йæ рады, Сергей Скворцов бузныг загъта Президентæн, йæ архайдæн ын стыр аргъ кæй скодта, уый тыххæй æмæ банысан кодта, зæгъгæ, ацы хорзæх уый нымайы, куыд йæхи нæ, фæлæ РХИ-йы «Россотрудничество»-йы минæварады æппæт коллективы архайдæн аккаг аргъ скæнын.
«Ацы фондз азы æз базыдтон, Хуссар Ирыстоны цæрджытæ кæй сты иууыл зæрдæхæлардæр адæм, кæцытæ цæттæ сты дæ фарсмæ æрбалæууынмæ. Æз цы цыппар бæстæйы куыстон, уыдонæй æрмæстдæр Хуссар Ирыстоны ис ахæм адæм. Республикæйы сæйраг хæзна сты йæ цæрджытæ», – загъта Сергей Скворцов.
