Уæрæсейы Федерацийы Президент Владимир Путин раарфæ кодта Президент Бибылты Анатолийæн йæ райгуырæн боны цытæн.
Арфæйы телы дзырдæуы:
«Цытджын Анатоли Иляйы фырт!
Айс иууыл зæрдиагдæр арфæтæ дæ райгуырæн боны цытæн.
Уæрæсейы стыр аргъ кæнынц нæ бæстæты ‘хсæн æмцæдисон ахастытæ æмæ интеграцион бастдзинæдтæ рæзын кæнын фæдыл архайдтытæн. Ныфс мæ ис нæ конструктивон диалог æмæ дыууæварсон æмгуыстады актуалон фарстыты фæдыл иумæйаг куыст кæй дарддæр кæндзæн.
Мæ цæст дын уарзы, цытджын Анатоли Ильяйы фырт, фидар æнæниздзинад, фæрныгад æмæ æнтыстытæ паддзахадон архайды Хуссар Ирыстоны хæларадон адæмы хæрзиуæгæн».
***
Бибылты Анатолийæн ма йæ райгуырæн боны цытæн раарфæ кодтой: Уæрæсейы Федерацийы Хицауады Сæрдар Михаил Ми-шустин, Уæрæсейы Федерацийы Федералон Æмбырды Федерацийы Советы Сæрдар Валентина Матвиенко, Республикæ Цæгат Ирыстон-Аланийы сæргълæууæг Битарты Вячеслав, Республикæ Абхазы Президент Аслан Бжания, Пензæйы областы губернатор Иван Белозерцев, Цæцæны Республикæйы сæргълæууæг Рамзан Кадыров, Турчы цæрæг Ирæтты æхсæнад «Алан»-ы сæргълæууæг Хъусаты Садреттин, Хъæрæсе-Черкесы республикæйы сæргълæуæг Рашид Темрезов, Уæрæсейы Федерацийы Æдасдзинады Советы секретарь Николай Патрушев, Татарстаны республикæйы Президент Рустам Минниханов, Уæрæсейы Федерацийы Президенты Арæнгæрон æмгуыстады фæдыл управленийы хистæр Алексей Филатов.
Comments are closed, but trackbacks and pingbacks are open.