Пухаты Эрик æмбырд ауагъта горæты æмæ районты администрациты сæргълæуджытимæ. Æмбырды рæстæджы уынаффæ кодтой, æмбæстæгтæн медицион æххуысы гъæд цы уавæры ис,ууыл.

«Хицауад хъуамæ контроль кæна, цæмæй æмбæстæгтæ исой æмбæлон медицинон æххуыс. Профилон министрадты æмæ æндæр паддзахадон хосгæнæн-профилактикон уагдæтты хæс у, цæмæй рæстæгыл бæрæг кæной проблемæтæ, анализ сын скæной æмæ сæ оперативон æгъдауæй скъуыддзаг кæной», – банысан кодта Пухаты Эрик.

Районты администрациты сæргълæууджытæ фехъусын кодтой æнæниздзинад хъахъхъæныны фадыджы планон куысты тыххæй. Уынаффæ ма кодтой медицинон уагдæтты финансон æмæ материалон-техникон ифтонгады тыххæй, афтæ ма районты медицион лæггæдтæ сорганизаци кæнын æмæ æмбæстæгтæн аргъыл медицинон æххуыс бакæныны фарстатыл.

Уæлдай хъусдард здæхт æрцыд,  медицинон уагдæтты æнæмæнгхъæуæг ифтонггæрзтæй, ифтонг кæнынмæ, афтæ ма республикæйы столицæйы æмæ районты администрациты ‘хсæн æмархайд срæвдз кæныны фарстатæм.

 

Æмбырды хайад райстой РХИ-йы Æнæниздзинад хъахъхъæныны æмæ социалон рæзты министр Тотчиты Георгий æмæ йæ уынаффæгæнæг Игорь Галь.

Comments are closed, but trackbacks and pingbacks are open.