РХИ-йы Хицауады Сæрдар Пухаты Эрикæн кусæгон фембæлд уыд Æнæниздзинад хъахъхъæныны æмæ социалон рæзты министр Тотчиты Георгиимæ, кæцыйы рæстæджы уынаффæ кодтой фадыджы актуалон фарстытыл, уыцы нымæцы хосгæнæн фæрæзты ифтонгады, медицинон кусджыты квалификаци, медицинон лæггæдты гъæд фæбæрзонддæр кæныны тыххæй.

«Паддзахады сæргълæууæг нын нæ разы æрæвæрдта хæс республикæйы æнæниздзинад хъахъхъæныны фадыг принципиалон æгъдауæй ног æмвæзадмæ ракæнын, медицинон лæггæдты æнцонвадатдзинад сифтонг кæнын æмæ цæрджытæн фыццаг медицинон æххуыс бакæныны гъæд фæбæрзонддæр кæныны тыххæй. Уымæ гæсгæ арæзт цæуынц ногдæр ифтонггæрзтæй ифтонггонд нырыккон хосгæнæн-профилактикон уагдæттæ. Уыдон хъуамæ кусой æппæт тыхтæй дæр республикæйы æмбæстæгты фæрныгадæн», – банысан кодта Хицауады Сæрдар.

Æнæниздзинад хъа-хъхъæныны министрады сæргълæууæджы ныхæстæм гæсгæ, фадгуыты цæуы егъау куыст цæрджыты медицинон лæггæдты æппæт фадыджы оптимизацийы фæдыл. «Министрады архайд здæхт у, Президент цы политикæ уадзы, уымæ гæсгæ цæр-джытæн медицинон æххуыс баххæст кæнынмæ. Куыст цæуы медицинон кластер саразыны тыххæй, кæцы комплексы скъуыддзаг кæндзæн æнæниздзинад хъахъхъæныны сæйраг хæстæ. Нырыккон ифтонггæрзтæ æмæ прогрессивон ногдзинæдтæ ныббиноныг кæнын фадат ратдзæн бынаты цæрджытæн бæрзондквалификациджын медицинон æххуыс бакæныны тыххæй бæрзонд æмвæзады специалисттæ фæхонынæн», – загъта Тотчиты Георги.

Фембæлды рæстæ-джы ныхас цыд социалон æгъдауæй нысаниуæгджын объект –  ногдæр ифтонггæрзтæй ифтонг ног хирургион комплекс бакæныны темæйыл. Æнæниздзинад хъахъхъæнын æмæ социалон рæзты министры ныхæстæм гæсгæ, уый æмбæлон у æппæт нырыккон домæнтæн æмæ байгом уыдзæн иу мæйы æмгъуыдмæ.

Афтæ ма банысанчындæуыд, зæгъгæ, республикæйы цæрджытæн медицинон æххуыс бакæныны гæнæнтæ рауæрæхдæр кæныны фæдыл Æнæниздзинад хъахъхъæныны министрады уадзгæ политикæйы фæлгæтты Цхинвалмæ æрцæуынц  Цæгат Ирыстон-Аланийы æмæ УФ-йы Æнæниздзинад хъахъхъæныны министрады А.Н.Бакулевы номыл зæрдæдадзинты хирургийы национ медицинон иртасæн центры дохтырты бригадæтæ. «Æнæниздзинад хъахъхъæныны æмæ социалон рæзты министрад регулярон бындурыл адарддæр кæндзæн ахæм акцитæ организаци кæнын», – йæ ныхасмæ бафтыдта Тотчиты Георги.

РХИ-йы Хицауады

пресс-службæ

Ацы æрмæджытæ дæр бакæс:

Æруынаффæ кодтой æнæниздзинад хъахъхъæныны системæ модернизацийы фарстытыл Къухтæ æрфыстой сразыдзинадыл Æруынаффæ кодтой æнæниздзинад хъахъхъæныны рæзты фарстытыл РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй Default ThumbnailУæрæсейаг специалисттимæ куысты иумæйаг формæ хорзæрдæм æндавы æнæниздзинад хъахъхъæныны къабазы архайдыл

Comments are closed, but trackbacks and pingbacks are open.