Республикæ Хуссар Ирыстоны Хицауады Сæрдар Пухаты Эрик фембæлд РЦИ-Аланийы Æнæниздзинад хъахъхъæныны министр Годжыцаты Тамерлан, РХИ-йы Æнæниздзинад хъахъхъæнын æмæ социалон рæзты министр Тотчиты Георги æмæ УФ-йы æнæниздзинад хъахъхъæныны министры æххуысгæнæг Анатолий Гулинимæ. Уыдон уынаффæ кодтой æнæмæнгхъæуæг медицинон фæдзæхсты системæйы дарддæры рæзт, медицинон лæггæдты гъæд фæбæрзонддæр кæнын æмæ Хуссар Ирыстоны æнæниздзинад хъахъхъæныны кадрон сконд фæхуыздæр кæныны фарстатыл.
Фембæлды кæрон къухтæ æрфыстæуыд РХИ-йы Хицауад æмæ РЦИ-Аланийы Æнæниздзинад хъахъхъæныны министрады æхсæн «Уæрæсейы Федерацийы медицинон уагдæтты Хуссар Ирыстоны территорийыл цæрæг Уæрæсейы Федерацийы æмбæстæгтæн, æнæмæнгхъæуæг медицинон фæдзæхсты системæйы медицинон æххуыс бакæныны фæткы тыххæй»
Документыл сæ къухтæ æрфыстой Тотчиты Георги æмæ Годжыцаты Тамерлан.
Тотчиты Георгий зæрдыл æрлæууын кодта, зæгъгæ, документыл къухты фыст æрцыд медицинон фæдзæхсты тыххæй сразыдзинады фæлгæтты. Уый фидаргонд æрцыд Уæрæсе æмæ Хуссар Ирыстоны æхсæн 2017 азы 14 ноябры Мæскуыйы æмцæдисад æмæ интеграцийы тыххæй бадзырдимæ баст æх-сæнадæмон хæстæ сæххæст кæныны сæраппонд.
«Сразыдзинад бæрæг кæны, Æнæмæнгхъæуæг медицион фæдзæхсты полис кæмæ ис, уыцы æмбæстæгтæн медицинон æххуыс бакæныны уаг Цæгат Ирыстоны æнæниздзинад хъахъхъæныны министрады къухдариуæгады дæлбаруæвæг æппæт уагдæтты. Уый, кæй зæгъын æй хъæуы, рауæрæх кæндзæн цæгатирыстойнаг коллегæтимæ æмархайды фæлгæттæ æмæ нын фадат ратдзæн пациентты æн-цонтæйдæр госпитализаци кæнын Цæгат Ирыстоны медицинон уагдæттæм», – банысан кодта Тотчиты Георгий.
Годжыцаты Тамерлан дæр ныфс бавæрдта, цæгатирыстойнаг æнæниздзинад хъахъхъæныны министрад цæттæ кæй у Хуссар Ирыстонæн алыгъуызон æххуысмæ дæр.
«Цæгат Ирыстоны къухдариуæгады номæй ныфс æвæрын, хуссарирыстойнаг пациенттæн гъæдджын медицинон æххуыс кæй уыдзæн нæ уагдæтты, æмæ куы бахъæуа, уæд мах бахатдзыстæм бæрзонд квалификациджын медицинон æххуыс райсыны тыххæй федералон уагдæттæм», – загъта уый.
Фембæлды ма хайад райстой РХИ-йы УФ-йы Уæлвæткон æмæ Æххæстбарджын минæвар Марат Кулахметов æмæ УФ-йы уынаффæгæнæг Игорь Галь.
РХИ-йы Хицауады пресс-службæ
Ацы æрмæджытæ дæр бакæс:
Ныхас социалон хъахъхъæнынады системæйы рæзты фарстатыл
Æруынаффæ кодтой æнæниздзинад хъахъхъæныны актуалон фарстытыл
Æруынаффæ кодтой æнæниздзинад хъахъхъæныны рæзты фарстытыл
Сæ куыст фесты уæрæсейаг медиктæ
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
Comments are closed, but trackbacks and pingbacks are open.