Хицауады рабадты фидар æрцыд æввахсдæр азы республикæйы социалон-экономикон рæзты план æмæ прогноз.

Хицауады Сæрдары хæдивæг-Экономикон рæзты министр Тадтаты Дзамболат банысан кодта, зæгъгæ, документтыл бакустæуыд æввахс финансон азæн хæстæ æмæ приоритеттæ хынцгæйæ, кæцытæ нысан æрцыдысты адæммæ æмæ Парламентмæ Президенты ныстуаны, афтæ ма 2019-2020 азты æмæ 2021 азы январь-июлы социалон-экономикон рæзты хатдзæгтæ хынцгæйæ.

«Прогноз æмæ план арæзт æрцыдысты республикæйы рæзты æддагон æмæ мидæггагон факторты анализы бындурыл, æмæ здæхт сты фыццаградон хæстæ скъуыддзаг кæнынæн, кæцыйы нымæцы сты экономикон æмæ социалон фадыджы фидар рæзтмæ рахизынæн уавæртæ саразын, республикæйы районты социалон рæзты диспропорцитæ фæкъаддæр кæнын, хъæууон цæрджыты сæ цæрæн бынæттæй цæуын фæкъаддæр кæныны разæууæлтæ саразын», – загъта вице-премьер.

Тадтаты Дзамболаты ныхæстæм гæсгæ, прогнозы сæйраг параметртæ бакуыстгонд æрцыдысты паддзахадон экономикон политикæйы приоритеттæй дыууæ сценарион варианты: базæйон, кæцы æвдисы экономикон рæзты сæйраг тенденцитæ æмæ параметртæ æддагон æмæ мидæггагон прогнозгæнæн ивындзинæдты уавæрты, æмæ рæстæмбис-оптимистон, кæцыйы реализаци ифтонг цæуы къухдариуæгадон архайды системæйæ спайда кæнгæйæ республикæйы рæзты сæйраг приоритеттæ райсыны нысанæн.

Куыд банысан кодтой, афтæмæй прогноз æмæ план сты 2022 азæн Республикæ Хуссар Ирыстоны Хицауады стратегион план кæныны ахсджиаг документтæ, кæцы бæрæг кæны сæ хæстæ æххæст кæныны сæйраг  механизмтæ æмæ архайд.

 

 

Ацы æрмæджытæ дæр бакæс:

Default Thumbnail2022-2025 азты социалон-экономикон рæзты паддзахадон программæйы фæлгæтты инвестпроекттæ æвзæрст цæудзысты карзæй Уынаффæ цыдис социалон-экономикон рæзты фарстатыл Райстой 2020 азæн РХИ-йы социалон-экономикон рæзтæн прогноз æмæ план Боны фæткы – Республикæйы социалон-экономикон рæзты фарстытæ РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй

Comments are closed, but trackbacks and pingbacks are open.