Республикон фæсивæдон æхсæнадон организаци «Иугонд Алани» равдисдзæн киностуди «AllonFilm»-ы документалон кинонывтæ  «Хæснаг мæлæтимæ» – Хуссар Ирыстоны паддзахадон æдасдзинады комитеты кусæг Колыты Иналы царды тыххæй æмæ «Фарастæй иумæ» – Багаты Амираны къорды сгуыхтдзинады тыххæй.

Кинонывтæ æвдыст цæудзысты 2008 азы августы цауты дæс азы сæххæсты боны размæ  – 6 августы документалон кинонывтæ ист æрцыдысты Хуссар Ирыстоны национ киностуди «AllonFilm»-ы Мамиты Григорийы къухдариуæгадæй.

«Хæснаг мæлæтимæ»-йы дзырд цæуы Хуссар Ирыстоны паддзахадон æдасдзинады комитеты æнæштатон кусæг Колыты Иналы царды хабæрттыл. Уый у нæ рæстæджы хъайтар, кæцы Цхинвалы цалдæр теракт рагацау аиуварс кодта. Йæ царды истори у Райгуырæн бæстæйæн лæггад кæныны истори.

Киноныв «Хæснаг мæлæтимæ» æвдыст æрцыд XIV Севастополы документалон фильмты æхсæнадæмон фестивалы æмæ телепрограммæ «Победили вместе»-йы. Конкурсы тæрхонгæнджытæ уыцы жанры ацы фильмæн саргъ кодтой куыд хуыздæр кинонывтæй сæ иу.

Киноныв «Фарастæй иумæ»-йы æвдыст цæуы Багаты Амираны къорды сгуыхтдзинадыл, фараст æфсæддоныл, кæцытæ 2008 азы августы цауты рæстæджы сæ Райгуырæн бæстæйы сæрибардзинады сæрыл кодтой мæлæтдзаг тох.

Документалон кинонывты æвдисдзысты 6 августы 19:00 сахатыл паддзахадон киноконцертон зал   «Чермен»-ы.

Ацы æрмæджытæ дæр бакæс:

«ВРЕМЯ БОРИСА ГАЛАЕВА» Уæрæсейаг хорзæх – Аллонфильмæн Хуынды гæххæттимæ – æхсæнадæмон фестивалмæ Культурæйы министрады архайд у нацийы цæсгом æвдисæг Default Thumbnail«Хуссар Ирыстоны уæрæсейаг кинойы къуыри» уыдзæн Цхинвалы

Comments are closed, but trackbacks and pingbacks are open.