«Хуссар Ирыстоны уæрæсейаг кинойы къуыри» уыдзæн Цхинвалы

Уæрæсейы Федерацийы Культурæйы министрады æмæ Республикæ Хуссар Ирыстоны Культурæйы министрады æххуысæй арæнгонд бæрндзинады æхсæнад «Кинокомпани «Gate» Цхинвалы ауадздзæн «Хуссар Ирыстоны уæрæсейаг кинойы къуыри». Проект реализаци æрцæудзæн паддзахадон киноконцертон зал «Чермен»-ы базæйыл 9 сентябрæй 16 сентябрмæ. Уый тыххæй ИА «Рес»-æн фехъусын кодтой РХИ-йы Культурæйы пресс-службæйы.

Ахæм мадзал фыццаг хатт уагъд æрцæудзæн Хуссар Ирыстоны территорийыл æмæ суыдзæн азы иууыл зынгæдæр культурон цаутæй сæ иу.

«Программæйы фæлгæтты сценæмæкæсджыты размæ рахаст æрцæудзысты уæрæсейаг популярон кинонывтæ, кæцытæ кинотеатралон прокатмæ рацыдысты 2015-2016 азты», – загътой пресс-службæйы.

Культурæйы министрады кусæджы ныхæстæм гæсгæ, проекты организаторты фæнды сценæмæкæсджыты базонгæ кæнын, популярон кинойы сегменты кусæг нырыккон уæрæсейаг зынгæдæр режиссерты кинонывтимæ.

«Уæрæсейаг кинойы къуырийы байгом уыдзæн бирæнымæц дунеон æмæ уæрæсейаг кинофестивальты лауреат – продюсер Игорь Угольниковы (режиссер Дмитрий Месхиев) киноныв «Батальон»-æй, кæцы арæзт æрцыд фыццаг дунеон хæсты сылгоймæгты батальоны цытæн», – банысан кодтой пресс-службæйы.

Ам ма куыд загътой, афтæмæй уæрæсейаг кинойы аз ауадзыны фæлгæтты астæуккаг скъолаты ахуыргæнинæгтæн план цæуы сæдæ хуыздæр кинонывы номхыгъдæй 5 фыдыбæстæйон кинонывы равдисын сорганизаци кæнын.

«Чысыл сценæмæкæсджытæн сæ бон уыдзæн стыр экраныл фенын сывæллæтты советон кинойы шедевртæ: режиссер Ролан Быковы «Чучело», «Внимание, черепаха!», афтæ ма режиссер Алексей Салтыковы кинонывтæ æмæ æндæртæ.

Уæрæсейаг кинонывты номхыгъдмæ бацыдысты алыгъуызон жанрты кинонывтæ: режиссер Э. Бордуковы «Коробка», режиссер А. Аксеменкойы «Чемпионы: Быстрее. Выше, Сильнее», режиссер Д. Дяченкойы «СуперБобровы», режиссер М. Кравченкойы «Завтрак у папы», режиссер А. Калинкины «Все исправит!?» æмæ æндæр кинонывтæ.

Проекты организаторты ныфс ис, Уæрæсейы æмæ Хуссар Ирыстоны ‘хсæн культурон бастдзинæдтæ фидар кæнынмæ здæхт чи у, уыцы цау стыр цымыдис кæй равзæрын кæндзæн æмæ æрвылазон кæй суыдзæн, цæмæй зонгæ кæной нырыккон фыдыбæстæйон кинематографы ног хуызæгтимæ.