Æхсызгон вæййы адæймагæн, æрыгæттæй бирæтæ хъæууон цардыл сæ къух кæй нæ исынц, иузæрдион ыл кæй сты æмæ сæ хайбавæрд кæй хæссынц алыхуызон хъæууонхæдзарадон куыстытæм. Ахæмты нымæцмæ хауы Цхинвалы районы Къостайыхъæуы цæрæг Хуыбиаты Мурман дæр. Уый кæд горæты тыхон структурæты кусы, уæддæр рæстæг ары йæ райгуырæн хъæуы дæр амалиуæгадон архайд кæнынæн. Абоны бонмæ уал йæ фермерон хæдзарад кæд æххæстæй нæ айвæзта йæ къабæзтæ, уæддæр æй ныфс ис, æввахс рæстæджы кæй слæудзæн раззагон хæдзарадты рæнхъы æмæ райгонд уыдзысты куыд йæхæдæг, афтæ фæлхасгæнджытæ дæр. Уæд сæ ноджы тынгдæр ифтонг кæндзæн алыгъуызон хъæууонхæдзарадон æмæ хæлцадон продукттæй.

Хуыбиайы фырт райста зæххы фадыг æмæ уал дзы ныссагъта сæнæфсиры 400 талайы. Фæлæ ууыл не ‘рлæудзæн æмæ ма дзы ноджыдæр уыцы фæзуаты хъуамæ сагъд æрцæуа 200 талайы. Уыдон сагъд æрцæудзысты афтæ, цæмæй се ‘хсæнты хуымгæнæн агрегат рæхса. Уымæй дарддæр ма цалдæр азы йæ зæххы фадыджы байтауы æфсирон культурæ, йæ иу хай дзы ныууадзы тауинагæн, иннæ та холлагæн спайда кæны. Фосдарды куыстыл дæр иузæрдион кæй у, уый бæрæг у, амæйразмæ кæй балхæдта дыууæ хъуджы. Хъуццытæй цы æхсыр æрдуцынц, уымæй пайда кæнынц бинонтæ  æмæ ма дзы уæй кæнынæн дæр аззайы. Зæгъын хъæуы, йæ райсгæ продукци кæй реализаци кæны асламдæр аргъыл. Банысан кæнын хъæуы, кæй ма йæ фæнды ноджы хъуццытæ балхæнын. Æввахс рæстæджы бавналдзæн ног скъæт аразынмæ, дардзæн дзы 15 дуцгæ хъуджы æмæ уæд фылдæр кæндзæн райсгæ продукци дæр.

Райдайгæ фермеры къухты фыццаг æнтыстытæ æфты, нæ Хицауад ын кредит 600 мин сомы райсынæн кæй баххуыс кодта, уый руаджы. Ныр æрвылмæй дæр бафиды, цы проценттæ йæм æмбæлы, уыдон.

Хуыбиаты Никъала

 

Comments are closed, but trackbacks and pingbacks are open.