Абарстыты кой куы кæнæм, уæд куыд зонæм, афтæмæй ис иу ахæм абарст: Европæ у дидинæфтауæг дыргъдон, йæ алфæмблай та йæ æрхъула кодтой джунглитæ. Уыцы ныхæстæ мах хорз бахъуыды кодтам, фæлæ Европæмæ абон куы æркæсæм, уæд фендзыстæм – цауд уавæрмæ фæцæуы ацы дыргъдон. Тынг зондджын æмæ прагматикон хæстæджытæй уый бынтæн баззад нырыккон фæлтæрæн. Уыдон ныр нал сты, æмæ абон уыцы дыргъдоны æмбонд фæкъул, ныззылын ис. Фæлæ нырма бæлæстæ тыллæг дæттынц. Æцæгæлон адæм дыргъдоны лæвæрттæй спайда кæныны фæндтимæ быруйы сæрты хизынц.
Уыимæ иумæ, зайæгойтæ хус кæнынц, дыргъдоны зæрдæмæдзæугæ хуыз сæфы æмæ кæй исбон у, уыдон та уый дæр нæ зонынц, донпырхгæнæн системæ дзы кæй ис. Хæтæлтæ зæххы бын сты, фæлæ дыргъдоны кæмдæр ис къæбæл. Æвæццæгæн, уыцы кран-къæбæл куы разилай, уæд дзы дон ракæлдзæн æмæ та дыргъдон цæрдхуыз райсдзæн, цæрдхъом фестдзæн. Фæлæ абон уавæр æндæр у. Ахæм царддæттæг системæ дзы кæй ис, уый, æвæццæгæн, æрмæстдæр ног фæлтæр бамбардзæн. Фæлæ уыцы ног фæлтæры дæр хъæудзæн дон кæмæй исынц, уыцы сыхагимæ баныхас кæнын.
