✔Иугонд уынаффæгæнæг центримæ АИШ-ы бын иугонд дунейы «историйы кæроны» концепци бынтон ныккалдис. Куыд рабæрæг, афтæмæй истори æгæрон у, интерестæ та алы паддзахадмæ дæр ис æмæ уымæ гæсгæ конфликтæ куы иу ран, куы та иннæйы сцырен вæййынц. Æмæ ма ноджы иу хъуыддаг дæр рабæрæг – паддзахадты уæз æмæ равналæнтæн раст аргъгонд нæ цыдис. Ома, лæмæгъыл кæй нымадтой, уый тыхджын разындис. Йæ ном арвау кæмæн нæрыд, уыцы паддзахадтæн та сæ лæмæгъдзинад раргом. XXI æнусы цы дунеон фæтк æмæ уагæвæрд зыдтам, уымæй рыг дæр нал баззад.
✔ [Цæуылнæ никæй бон сси уый рагацау базонын?] Афтæ арæх вæййы – царды бирæ фæзилæнтæ ис, фысджытæ та алкæддæр реалон уавæр хуымæтæгдæрæй равдисынц, уарзынц фидæны алыхуызон модельтæ аразын. Дуне бирæполярон кæй сси, уый дызæрдыггаг нал у, уый у факт.
✔ Евроцæдисы тынг бирæ ныхмæлæудтæ æмæ æмбæхст конфликттæ ис. Æфсæддон блокты мидæг дæр ис конфликттæ – зæгъæм, Греци æмæ Турк НАТО-йы фæлгæты. Чи зоны, æгæр ныфсхаст уæм фæкæсдзæн мæ ныхас, фæлæ мæм афтæ кæсы, цыма Евроцæдис рæхджы фесафдзæн йæ экономикон зæрдæмæдзæугæ конд.
✔ Кæй зæгъын æй хъæуы, европæйаг экономи-кæ бынтон нæ фесæфдзæн, Брюсселæн иумæйаг политикæ аразын бонæй-бонмæ зындæр у. Уымæн æмæ йæ адæмы фылдæр хайы ныхмæ у йæ нырыккон политикæ – Америкæйы пайдайæн цы аразы, уый Европæйæн зиан хæссы.
✔ Хъуыддаджы апп ахæм у æмæ нæ удыгага, Советон Цæдисы фехæлды фæстæ нæ зæрдæтæн адджын чи сси, уыцы Европæ – фæцæуы йе ‘нусон дунемæ. Куыд рабæрæг, афтæмæй сæ хъомыс æнцой кодта аслам ресурстыл. Уыдон та Европæ цъырдта махæй. Æмæ куыддæр ресурстæ сзынаргъ сты, афтæ Европæйы хуыдтытæ ныкъæс-къæс кодтой. Сæ зæрдæмæдзæугæ хæзнатæ – дзырды, хъуыдыйы æмæ информацийы сæрибарыл æваст арæнтæ æрæвæрдта. Уымæй та ахæм арæнтæ æмæ Ныгуылæны цензурæ æмæ диктаты цур советон цензурæ æнæхин сабийы хуыз райста.
✔ Ӕвæдза, уый диссаг у, куыд тынг бафæзмыдтой Советон Цæдисы негативон хъуыддæгтæ. Ныртæккæ кæм цæрæм, уыцы ног Уæрæсе аразгæйæ, мах цыдæртæ æнарæхст æмæ гуырымыхъæй код-там, фæлæ нæ хъуыдыйы дардтам идеал æмæ йæм тырныдтам.
✔ Мах абон уынæм серьезон планетарон кризис. Фæлæ уый хорз æмæ фыдимæ баст нæу, уымæн æмæ ахæм æмбарынгæнæн терминтæй паддзахадон æмæ политикон хъуыддæгты пайда кæнын нæ фæтчы. Дуне ахæм бирæварсон у æмæ цыфæнды хорзы дæр ис фыдракæнд ссарæн, фыдракæнды та – хорздзинад.
✔ Марксизм-ленинизмы классикты ахуырмæ гæсгæ, дуне йæхæдæг йæхи къуыммæ батардта.
Хъыгагæн, адæймагад кризистимæ тох кæнынæн æрмæст иу механизм зоны – хæст. Уый та алкæд комкоммæ тохы быдыры нæ фæцæуы. Хæст «уазал» кæнæ экономикон дæр вæййы. Фæлæ куыддæр ныхмæлæуд карз æмвæзадмæ схизы, афтæ æфсæддон тыхты рад ралæууы.
✔ Ӕз мæ хъуыдытæ не ‘мбæхсын: æз мæ адæмимæ, мæ бæстæимæ, мæ чиныгкæсæгимæ дæн. О, мæнæн дæр бирæтау, мæ зæрдæмæ нæ цæуынц хæстон архайдтытæ, санкцитæ. Сæттын, стыр æхсызгонæй цыдтæн Европæмæ, улæфыдтæн, рагон аргъуантæм кæсынæй не ‘фсæстæн. Фæлæ мæнæн мæ Фыдыбæстæ у Уæрæсе, уæрæхдæр райсгæйæ та – Советон Цæдис. Европæ, Америкæ, Ази та сты æндæр дунетæ. Цымыдисаг у уырдæм бахауын, фæлæ алыхатт дæр хъæуы здæхын райгуырæн къæсмæ æмæ цы дæ æмæ чи дæ, уый зонын…
