2023 азы Уæрæсемæ ахасты постсоветон бæстæты коммуникацион режимты хæларадон рейтингы фыццаг рæгъ бацахста Хуссар Ирыстон. Уый рабæрæг Коммуникациты рæзты национ иртасæн институты раиртастæй.
Банысангонд институты иртасæнты хайад райстой 16 постсоветон бæстæйы æмæ сын аргъ кодтой 12 алыгъуызон бæрæггæнæнтæм гæсгæ; æддагполитикон коммуникацитæ, æхсæнрегионалон коммуникацитæ, Уæрæсемæ æмæ уырыссæгтæм ахаст æмæ æндæртæ. Йæ фæстиуджытæм гæсгæ Хуссар Ирыстон æрæмбырд кодта 93,5 баллы. Дыккаг æмæ æртыккаг бынæттæ бацахстой Беларусь (87,6 баллы) æмæ Абхаз (81,4 баллы)
Зонадон куысты фæдыл институты директор, коммуникацион режимты мониторингы къухдариуæггæнæг Валентина Комлева куыд банысан кодта, афтæмæй Хуссар Ирыстон фыццаг хатт хайад райста рейтингы.
«Ацы аз Хуссар Ирыстон æмæ Абхаз фыццаг хатт райстой хайад нæ рейтингы æмæ систы йæ лидертæ, уымæн æмæ уыдонæн Уæрæсеимæ æрбæстон иууон коммуникацион тыгъдад. Ацы бæстæты арæзт æрцыдысты хорз хæрзвадат уавæртæ Уæрæсеимæ ахастытæн», – загъта уый.
Коммуникациты рæзты национ иртасæн институты рейтингы презентаци ауагъдæуыд ивгъуыд къуырисæры Мæскуыйы, дунеон мультимедион зал «Россия сегодня»-йы.
Ацы æрмæджытæ дæр бакæс:
Тыбылты Леонид: «Куыд Президент, афтæ æз мæ мисси уынын Уæрæсеимæ ахастытæ фидардæр æмæ рæзын кæныны»
Хуссар Ирыстон æмæ Донецкы Адæмон Республикæты ‘хсæн меморандумыл къухтæ æрфыстæуыд
Хуссар Ирыстоны фыццаг зонадон центр
РХИ-йы Хицауады Сæрдар Хъуылымбегты Доментийы хыгъд парламенты сессийы 2015 азы бакæнгæ куысты тыххæй
Кавказ æмæ Хуссар Ирыстон политикты цæстæнгасæй
