Нæ республикæйы спортивон скъолайы уагъд æрцыдысты ерыстæ æмбуар хæстæй Гæззаты Вадимы номыл милицийы сæрмагонд нысаниуæгджы кусджытæн. Турнирмæ спецкъорды дæлхæйттæ бацæттæ кодтой фондз командæйы – æдæппæт 30 адæймагæй фылдæр, æмæ тох кодтой авд уæзы категорийы. Ерыстæ рауадысты цымыдисон, йæ хæйадисджытæ физикон æмæ техникон компонентты уыдысты иттæг хорз цæттæ, æмæ тырныдтой уæлахизмæ. Жюрийы уæнгтæ æмхъæлæсæй фыццаг бынат радтой фыццæгæм оперативон ротæйы командæйæн. Дыккаг бынат бацахста æртыккæгæм оперативон ротæ æмæ æртыккаг бынатыл та ацыд цыппæрæм оперативон ротæ. Уымæй уæлдай ма бæлвырд æрцыдысты хисæрмагонд зачеты уæлахиздзаутæ дæр.
Ахæм ерыстæ спецкъорды дæлхæйтты ахсæн фæцæуынц æрвылаз ОМОН-ы сырæзты бонмæ – ацы аз та сыл æххæст кæны 31 азы. 14 февралы фæуæлахизуæвджыты схорзæхджын кæндзысты кубоктæй, майдантæ æмæ грамотæтæй.
ДЖИОТЫ Алыксандр
Comments are closed, but trackbacks and pingbacks are open.