Гæззаты Вадимы номыл милицийы сæрмагонд нысаниуæджы къордыл ОМОН-ыл 30 азы кæй æххæст кæны, уыцы датæ банысан кæныны тыххæй, организацигонд æрцыд марш-бросок. Ацы мадзал сарæзтой ерысты хуызы æмæ дзы хайад райстой къорды дæлхæйттæ æдæппæт 8 командæйæ, алкæцыйы дæр дзы уыд фæйнæ æхсæз адæймаджы. Дистанци снысан кодтой 8 километры дæрддзæг – микрорайон Хурзæринæй Присы хъæуы онг,  лидзгæ та кодтой хæстон экипировкæйы æмæ табелон æхсæнгæрзтимæ.

Ерысты хайадисджытæ равдыстой хорз физикон цæттæдзинад, фæразондзинад æмæ уæлахизмæ тырнындзинад. Кæй зæгъын æй хъæуы, алкæцы кусæджы дæр фæндыд, цæмæй йæ дæлхай фæуæлахиз уа, æмæ се ‘мкусджыты разæнгард кодтой лидзыны рæстæджы. Иумийагæй сисгæйæ ерыстæ рауадысты тынг цымыдисон. Зындзинæдтæ бавзаргæйæ фæуæлахиз 1-æм моторизацигонд ротæ, дыккагыл ацыд 1-æм оперативон ротæ, æмæ æртыккаг та бацахста 3-æм оперативон ротæ.

Ерысты уæлахизуæвджытæ æмæ призертæ фæстæдæр хорзæхджын æрцæудзысты кубоктæй æмæ грамотатæй.

Джиоты Александр

Comments are closed, but trackbacks and pingbacks are open.