Гæззаты Вадимы номыл милицийы сæрмагонд нысаниуæджы къорды дæлхæйтты ’хсæн уагъд æрцыдысты ерыстæ турникыл хи исынæй. Хайад дзы райстой спецкъорды оперативон æмæ моторизацигонд ротæтæ.
Ерыстæ рауадысты тынг цымыдисон, алкæцы командæ дæр тырныдта уæлахизмæ æмæ нæ ауæрстой сæхиуыл. Фæлæ æнтыстджындæр разындысты оперативон ротæтæ, кæцытæ бацахстой æппæт призон бынæттæ. Уæлахиздзау ссис фыццæгæм ротæ, дыккагыл ацыд — дыккæгæм ротæ, æртыккагыл та — æртыккæгæм ротæ. Банысан кæнын хъæуы уый, æмæ ныр цалдæр азы дæргъы ахæм ерысты кæй рамбулы фыццæгæм оперативон ротæ. Банымадтой ма индивидуалон зачеты очкотæ дæр — ам дæр фæуæлахиз ис фыццæгæм оперативон ротæйы минæвар.
Ахæм ерыстæ ОМОН-ы уагъд цæуынц æрвылаз дæр æмæ уæлахиздзауты схорзæхджын кæнынц кубоктæй æмæ грамотатæй. Ахæм спортивон мадзæлттæ стыр ахъаз сты спецкъорды кусджыты цæттæдзинад æмæ арæхстдзинад фæбæрзонддæр кæнынæн.
ДЖИОТЫ Алыксандр
