Грознæйы уагъд æрцыд, 16 азы онг кæуыл цæуы, уыцы спортсменты ‘хсæн Цæгат Кавказы Федералон зылды чемпионат уæгъдибар хъæбысхæстæй. Уым РЦИ-Аланийы æмбырдгонд командæйы сконды архайгæйæ, æртыккаг бынат бацахста хуссарирыстойнаг богал Санахъоты Ален.
Тренер Коцты Тамерланы хъомылгæнинаг хæцыд 44 кг уæзы категорийы. Уый нырма 10:0 хыгъдæй фæуæлахиз Кæсæг-Балхъары минæ-вар Амирбий Шиковыл, финалы 1/8 хайы рамбылдта Абдула Абдурахмановы – 9:0. Фæлæ фæстæдæр фæхæрд кæсæг-балхъайраг Ахмед Бербековæн. Æртыккаг бынат бацахсыны тохы та бæрæг тыхджындæр уыд иннæ дагъыстайнаг спортсмен Рамазан Магомедовæй. Фембæлд фæцис 10:0 хыгъдæй.
Ацы æнтысты фæрцы Санахъоты Ален райста ацы кары спортсменты ‘хсæн Уæрæсейы чемпионаты хайад райсыны бар.
Хуриты Батрадз
