РХИ-йы культурæйы министрады цур Адæмон сфæлдыстады республикон центр кусы ирон адæмон традицитæ æмæ æгъдæуттæ сæндидзын æмæ фидардæр кæныныл. Ацы центры кусджытæ сæ директор Гуыцмæзты Эльзæйы сæргълæудæй æрвылаз дæр ауадзынц цалдæргай фестиваль-конкурстæ.
Ныр дæр та Адæмон сфæлдыстады центр культурæйы министрадимæ иумæ сорганизаци кæндзæн 8-æм республикон фотоконкурс «Хуссар Ирыстон-2023». Конкурс уагъд æрцæудзæн 18-æм августы Анахарсисы номыл республикон библиотекæйы кæсæн залы. Центры директор Гуыцмæзты Эльзæйы ныхæстæм гæсгæ куырдиæттæ ист цæудзысты 2023 азы 16-æм августмæ. «Конкурсы нысан у республикæйы цæрджыты сфæлдыстадон активондзинады рæзтæн ахъаз æмæ æххуыс кæнын. Конкурсы хайад райсын сæ бон у, къамтæ исын чи уарзы, уыдонæн се ‘ппæтæн дæр кармæ æмæ кæм цæры, уымæ нæ кæсгæйæ. Профессионалон къамисджытæн нæй конкурсы хайад райсыны бар. Конкурс уагъд цæудзæн ахæм номинацитæй: пейзаж, 15 азы сабыр арвы бын; Уæлахизы æмбæйттæ», – банысан кодта центры директор.
Нывтæ хъуамæ уой оригиналон, фæлæ А4 форматæй къаддæр ма хъуамæ уой. Бар нæй Интернетæй райсгæ ныв æрбавдисынæн. Конкурсмæ куыст арвитгæйæ, автор йæ организатортæн бар дæтты, æрбавдисгæ æрмæгæй спайда кæныны тыххæй куыд конкурсимæ баст нысæнттæн, афтæ уый фæстæ уагъдцæуæг æндæр мадзæлтты дæр – фоторавдыстыты, информацион буклетты, фотоальбомтæ бацæттæ кæныны æмæ афтæ дарддæр. Хайадисæджы фæндонмæ гæсгæ, конкурсы организатор æмæ авторы ‘хсæн гæнæн ис уæлæмхас сразыдзинад саразын куыстытæй спайда кæныны уавæрты тыххæй
Къамтимæ хъуамæ уа конкурсы хайадисæджы анкетæ. Афтæ ма хайадисæг хъуамæ йæ алы куыстæн дæр бацæттæ кæна табличкæ куысты ном, кæд æй систа æмæ авторы тыххæй зонæнтæ.
Фотоконкурсы уæлахиздзауты схорзæхджын кæныны церемони уагъд æрцæудзæн 2023 азы 26-æм августы Хетæгкаты Къостайы цырты раз. Конкурсы æппæт хайадисджытæн лæвæрд æрцæудзысты адæмон сфæлдыстады центры дипломтæ. Призон бынæттæ бацахсджытæ хорзæхджын æрцæудзысты кады грамотæтæ æмæ призтæй.
Лæмбынæг информаци райсыны тыххæй æрбацæуын хъæуы Адæмон сфæлдыстады республикон центрмæ: Сывæллæтты республикон библиотекæйы бæстыхаймæ Харебаты Исахъы уынг, 51.
Контактон телефонтæ:
8 929 804 98 88; 8 929 811 92 22; 8 929 804 18 58.
Табуафси, хайад райсут конкурсы.
