Уæрæсейы 2-аг канал «Россия 1»-ы æфсæддон уацхæссæг Григорий Вдовины ре-портажæй: «Нæ колоннæ цæуы Мариуполы горæтгæрæтты. Разæй сты «Азовсталь»-ы егъау цехтæ, фæздæгæй ницыуал зыны – уым ныртæккæ цæуы тох. Мах фæцæуæм «Машинæаразджыты» уынджы районмæ. Район у стыр, хъыгдард баййæфта тыхджын. Гуманитарон æххуыс æмæ цахæмфæнды æххуысмæ дæр адæм æнхъæлмæ кæсынц. Ацы конвой æрбаластой хуссарирыстойнаг хæстонтæ, æмæ цалынмæ иу къорд продукттæ дæттынц, уæдмæ иннæ къордæн та ис æндæр мисси, кæцымæ мах дæр акодтой семæ… Цæуæм адæм кæм нæй, ахæм бынатмæ, хæстонтæ ацы бынат райстой сæ контролы бынмæ. Ныртæккæ тынг æндыгъд момент у. Оперативон къордимæ фембæлдыстæм ардыгæй дыууæ кварталы æдзæн, уый?
Операци уадзы Хуссар Ирыстоны Æддагон развæдсгæрсты службæ. Цы ссардтой уый гуырахстджын у, æвæрд ыл ис мыхуыр æмæ йæ мидæг ис бирæ цымыдисон æрмæджытæ. Уый у Украинæйы æдасдзинады службæйы документаци «сусæггаг» грифи-мæ. Документтимæ голджытæ ласынц сахуыр сæ кæнынмæ. Ирон бархионтæ, кæцытæ архайынц операцийы, райгонд сты фæстиуджытæй. Мариуполы порты ныртæк-кæ адæм нæй, фæлæ уæддæр тæссаг у, азовæгтæ кæронмæ æппæрст нæма æр-цыдысты, территорийы кæрон цæуы карз тох. Ахæм вазыгджын уавæрты Адæмон ми-лици уæрæсейаг æфсæддонты æххуысæй портæй ласы уыцы иурæстæджы цалдæр экипажы, кæцытæ Мариуполы сæрыл æнæхъæн тохтæм сæ хъус дардтой сæ наутæй. Уыдонмæ-иу æрбацыдысты азовæгтæ æмæ сæ тæрсын кодтой амарынæй æмæ уый фæстæ ахастой æппæт документтæ дæр.
Нау «Азов Конкорд»-ы журналы æппæт уагæвæрдтæм гæсгæ, уымы цаутæ æвдисынц лыстæггай. 24-æм марты 12 сахатыл нау бацахста Украинæйы гарзджын тыхты къорд. Бортмæ схызтысты авд хæстоны æмæ бардзырд радтой, цæмæй схуыссыдаиккой сæ цæсгæмттæ бынмæ, афтæмæй.
Наутæй сæ иуы экипаж у украинæйаг, иу египеттагимæ. Мæнæ Украинæйы æдасдзинады советы сусæггаг документтæ. «Азов»-ы афицерты номхыгъд, кæцытæн ис телефонтæ дарыны бар, фæсарæйнаг æмбæстæгты номхыгъд, кæцытæ цыдысты националистты æфсæддон хæйттæм, визиты программæтæ, паддзахадон сусæгтæ бахъахъхъæныны фæдыл мадзæлттæ, Киевы америкæйаг минæварады дыууæ дыккаг секретары аккредитацитæ æмæ афтæ дарддæр.
Алы документыл дæр ис мыхуыр æвæрд – паддзахадон сусæгдзинад хъахъхъæныны хайад, ома ам алы документ дæр у сусæггаг, иуæй-иутыл дзы ис уыцы иурæстæджы – мыхуыры æвæрд, ома уыдон цæуынц æртæ реестрмæ гæсгæ. Зæгъæм, Украинæйы хъахъхъæнынады министрады документ Киевы æфсæддон хæйттæй иумæ АИШ-ы минæварады кусджыты визиты тыххæй æмæ номхыгъд: иууылдæр сты америкæйæгтæ, иууылдæр паспортты номыртимæ, ном, мыггаг æмæ визитты программæтæ.
Мариуполы Украинæйы æдасдзинады советы бæстыхайы ныртæккæ алцыдæр у пырх. Мах дзы азылдыстæм, фæлæ сусæггаг документтæ не ссардтам, уымæн æмæ уыдон раластой бæстыхайæ, фæлæ горæтæй ацæуын сæ бон нал ссис – оперативон комбинацийы фæстиуæгæн ацы бафæлвæрды рæстæджы уыдоны байста Хуссар Ирыстоны Æддагон развæдсгæрсты службæ. Æмæ мæнæ сты стъолыл, ноджы æндæр рæтты. Сусæггаг архивы ноджы ис бирæ цымыдисон æрмæджытæ, гæнæн ис æцæг сенсацион информаци дæр».
Ацы операцийы хайадисæг хуссарирыстойнаг хæстонтæй иутæ сты Джиоты Артур, Гуыбаты Давид, Бесаты Аслан, Гæджиты Радик (Донецкы Адæмон Республикæйы РХИ-йы минæвар).
Comments are closed, but trackbacks and pingbacks are open.