Милицийы экономикон фыдракæндтæ ма æруадзыны кусджытæ фадыгон инспектортимæ иумæ рейдон мадзæлтт уадзыны рæстæджы горæт Цхинвалы дыууæ дуканийы ссардтой æмæ сконфискаци кодтой энергетикон нозтытæ 32 банкæйы бæрц. Дуканиты хицæуттæ фехæлдтой Республикæ Хуссар Ирыстоны Закъоны 4-æм статья æмæ сыл баконд æрцыдис административон суагъæ.
Милицийы кусджытæ рейдтæ уадзынц æрмæст энергетикон нозтыты тыххæй нæ, фæлæ ма фæагурынц электронон сигареттæ æмæ пиротехникæ дæр. Энергетикон нозтытæ нæ республикæйы территорийыл уæй кæныны бар нæй 2012 азæй фæстæмæ. Фæткхалджыты тæрхондон фæивар кæны æмæ ма конфискацигонд æрцæуынц адæймаджы æнæниздзинадæн тæссаг товар дæр.
ДЖИОТЫ Алыксандр
