Хуссар Ирыстоны фæуд кæны 2022 азы республикæйы социалон-экономикон рæзтæн ахъазгæнæг Инвестпрограммæйы реализаци.

Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард куыд загъта, афтæмæй горæт Цхинвалы капиталон цалцæг æрцыдысты дæс уынджы.

Министры ныхæстæм гæсгæ, Ирæтты уынджы дыууæ бирæуæладзыгон хæдзары арæзтад фæцис. Дæс бонмæ фæнд кæнынц республикæйы электроэнергийы хынцæн прибортæ сæвæрыны куыст фæуын.

Министры ныхæстæм гæсгæ, 2023 азмæ ахызтысты фондз объекты.

«Уыдон сты Знауыры районы бирæуæладзыгон хæдзар æмæ республикæйы Ирæтты уынджы бирæуæладзыгон корпус. Афтæ ма 13 Коммунары уынгыл цæугæдон Леуахийыл ахизæн, автофæндаг Ерцъо-Синагур æмæ Дзауы районы раздæры турбаза „Мзиугом“-ы территорийыл сывæллæтты лагеры арæзтад», — банысан кодта Зæгъойты Эдуард.

Уый ма банысан кодта, зæгъгæ, райгонд у бакæнгæ куыстæй. «Æрдæг азмæ нын бантыст 2022 азы Инвестицион программæ бакæронмæ кæнын», — банысан кодта министр.

ИА «Рес»