Милицийы экономикон фыдракæндтæ ма æруадзыны фæдыл управленийы кусджытæ рейдон мадзæлттæ ауадзыны фæстиуæгæн нæ горæты иу дуканийы ссардтой æмæ сконфискаци кодтой 240 банкæйы энергетикон нозтытæ «Flash Energy». Дуканийы хицау разынд нæ горæты 44-аздзыд цæрæг. Уымæй уæлдай ма ацы управленийы кусджытæ фадыгон инспектортимæ иумæ профилактикон рейдты рæстæджы ноджы иу базарадон объекты ссардтой æмæ сконфискаци кодтой 70 банкæйы энергетикон нозтытæ «Flash Energy».
Ацы дуканийы та уæйгæнæгæй кусы 60-аздзыд бынæттон цæрæг. Фæткхалджытыл баконд æрцыдысты административон суагъæтæ республикæ Хуссар Ирыстоны Закъоны 4-æм статья «Об административной ответственности за распространение и реализацию тонизирующих безалкогольных и слабоалкогольных напитков» кæй фехæлдтой, уый тыххæй. Ацы Закъон ист æрцыд РХИ-йы Парламенты 2012 азы æмæ фæткхалджытæ ивар æрцæуынц æмæ ма сын байсынц сæ товар дæр.
Рейдон мадзæлттæ уадзыны рæстæджы ма иу дуканийы баййæфтой электронон сигареттæ уæййаг. Басгæрсты рæстæджы дзы ссардтой 96 иуæджы æмæ сæ сконфискаци кодтой. Дуканигæс разынд нæ горæты 33-аздзыд цæрæг æмæ йыл баконд æрцыд административон суагъæ Республикæ Хуссар Ирыстоны Закъон «О запрете ввоза, производства, распространения и реализации электронных систем доставки никотина»-йы фæлгæтты. Электронон сигареттæ та нæ республикæйы уæй кæныны бар нæй 2021 азæй фæстæмæ.
ДЖИОТЫ Алыксандр
Comments are closed, but trackbacks and pingbacks are open.