Республикæ Хуссар Ирыстоны Культурæйы министрады пресс-службæйы нын куыд фехъусын кодтой, афтæмæй æрæджы Уæрæсейы боны цытæн Грознæйы уыд адæмон сфæлдыстады æппæтуæрæсейаг фестиваль-конкурс «Многоликая Россия». Фестиваль уагъд цыдис 9-æм июнæй 12-æм июнмæ. Уым хайад райстой Республикæ Хуссар Ирыстоны Президенты цур ирон национ зарæджы паддзахадон хор æмæ сывæллæтты хор æмæ систы ацы фестивалы фыццаг къæпхæны лауреаттæ.
Национ зарæджы хор Къæбысты Сæрмæты къухдариуæгадæй ацы фестиваль-конкурсы райстой хорзæх номинаци «Фольклор»-æй. Æрыгон артисттæ райгондæй баззадысты, сæ арæхстдзинад æмæ фестивалы хайад кæй райстой, уымæй.
