Цхинвалы Ногдзауты парк ссыгъдæг кодтой æнæхицау базарадон объекттæ æмæ аттракционтæй, – хъусын кæнынц столицæйы администрацийы пресс-службæйы.
«Ивгъуыд азы кæрон столицæйы администраци базарадон объекттæ æмæ аттракционты хицæуттæй æрдомдта, цæмæй улæфæн зонæйы территорийы уыдонæй ссæрибар кæной, уымæн æмæ сын цы барлæвæрд æрцыд, уымæн йе ‘мгъуыд фæцис», – загътой пресс-службæйы.
Ам ма куыд загътой, афтæмæй Цхинвалы администрацийы фæдзæхсты фæстæ амалиуæггæнджытæ систой сæ базарадон объекттæ æмæ сæ аластой парчы территорийæ.
«Горæты хицæутты домæнтæ нæ сæххæст кодта æрмæстдæр иу амалиуæггæнæг. Уымæ гæсгæ йын йæ базарадон объекттæ систа горæты мэри Мидхъуыддæгты министрады минæвæртты æвдисæнæй æмæ ласт æрцыдысты парчы территорийæ», – загътой администрацийы.
Уым ма куыд загътой, афтæмæй аттракционтæй цы цъæх зонæтæн разиан чындæуыд, уыдон тагъд рæстæджы хæрзарæзт æрцæудзысты.
ИА Рес
