Республикæ Хуссар Ирыстоны Æдасдзинады Советы рабадты æруынаффæ кодтой НАТО-Гуырдзыстоны командон-штабон ахуыртæ ауадзыны фæлгæтты Республикæ Хуссар Ирыстоны æдасдзинады фарстытыл.

Бибылты Анатоли рабадты райдианы æрдзырдта Донецкы æрцæугæ трагедийыл, кæцыйы фæстиуæгæн амард бирæ сабыр цæрæг адæм.

«Националисттæ хизынц æппæт арæнтæй дæр, «Точка-У»-йæ фехстой Донецкы центр, амард дзы 20 адæймагæй фылдæр, медицинон уагдæттæм бахауд бирæ адæм. Уый арæзт цæуы ныгуылæнæн баххуыс кæныны тыххæй æмæ уый æмбæхсинаг нæу, æххуыс цæуы официалонæй куыд финансон фæрæзтæ, афтæ – хæцæнгарзæй дæр», – загъта Бибылты Анатоли.

Уый банысан кодта, специалон хæстон операци ауадзыны фæдыл хæстæ эффективонæй кæй сæххæст кодтой, кæцы кæрон æрæвæрдзæн Донецкы Адæмон Республикæ æмæ Луганскы Адæмон Республикæйы цæрджыты æхсыны хъуыддагæн.

Æдасдзинады Советы уæнгтæ æдзæмæй алæугæйæ, æрымысыдысты фæмардуæвджыты рухс нæмттæ.

Президент банысан кодта, зæгъгæ, НАТО-йы бæстæтæ не ‘рлæудзысты æмæ араздзысты бæрæг æндыгъд уавæртæ Уæрæсейы Федерацийы арæнтæм æввахс.

«Аиуварсгæнæн нæй Гуырдзыстоны дæр. Мах æй хорз зонæм, Гуырдызстоны къухдариуæгадæн бастдзинæдтæ ис НАТО-имæ. Мах нæ хъус хъуамæ дарæм НАТО-Гуырдзыстоны командон-штатон ахуыртæм», – загъта Бибылты Анатоли.

Уый æрдомдта Паддзахадон æдасдзинады комитеты Арæнгæрон службæйы хистæры хæстæ æххæстгæнæг Алиханты Валерийæ, цæмæй йын фехъусын кæна хуссарирыстойнаг-гуырдзиаг арæны уавæры тыххæй.

Алиханты Валери радзырдта Гуырдзыстоны Мидхъуыддæгты министрады полицийы, Хъахъ-хъæнынады министрады дæлхайæдты постты тыххæй бæлвырдгæнæнтæ, кæцытæ лæууынц хуссарирыстойнаг арæнтæм æввахс Гуырдзыстоны арæнгæрон пунктты. Арæнгæрон службæйы хистæры хæстæ æххæстгæнæджы ныхæстæм гæсгæ, гуырдзиаг постыты сæрмагонд сконд фæтынгдæр кодтой æппæт здæхтыты. Уымæй уæлдай ма, 23 февралы гуырдзиаг фарс ауагъта Гуырдзыстоны Хъахъхъæнынады министрады 4-æм фистæгæфсады хицæн дæлхайæдтæ иу ранæй иннæ ранмæ сæвæрыны мадзæлттæ.

Паддзахады сæргълæууæг банысан кодта, зæгъгæ, доклад у ууыл дзурæг, Хуссар Ирыстоны арæныл кæй фæтыхджындæр кодтой посттæ.

«Мах æй хъуамæ æмбарæм, постты сконды нымæц чысыл кæй фæфылдæр, уый уæлдай тыхстдзинад не ‘взарын кæны. Фæлæ курæг дæн бæрæг структурæтæй, цæмæй сæ хъус дарой Гуырдзыстоны фарсæй змæлдтытæ æмæ архайдтытæм. Æмæ оперативонæй сбæрæггонд моментты тыххæй хъусын кæнын. НАТО-Гуырдзыстоны командон-штабон ахуыртыл дзургæйæ, уыдон хæссынц дестабилизацион характер.

Уый ма банысан кодта, зæгъгæ, дунейы цы уавæр сæвзæрд, уый фадат нæ дæтты Хуссар Ирыстоны мидæггагон уавæр фæцудын кæнынæн.

«Уый махæн ахсджиаг у. Æз курæг дæн æппæт политикон партитæй, æппæт адæмæй, цæмæй сабырæй ауадзæм  æвзæрстытæ. Ныфс мæ ис, кæй нæ фехъусдзыстут, уымæй», – загъта Президент.

Æдасдзинады Советы рабадты ма æруынаффæ кодтой, Тран-скавказаг магистраль æхгæд кæй у, уыцы уавæрыл.

«Фæндагыл дзургæйæ мæ фæнды зæгъын, уæрæсейаг коллегæтимæ цы къахдзæфтæ райстам, уыдон абон фадат дæттынц зæйты развæлгъау рацæуыны фæдыл куыстытæ ауадзынæн. Куыддæр куыстытæ фæуой, афтæ фæндаг байгом уыдзæн», – загъта Бибылты Анатоли.

Comments are closed, but trackbacks and pingbacks are open.