Мæскуыйы уыд Республикæ Хуссар Ирыстоны президент Гаглойты Аланы æмæ Уæрæсейы Федерацийы Президенты Администрацийы къухдариуæггæнæджы хæдивæг Дмитрий Козакы фембæлд.
Фембæлды рæстæджы æруынаффæ кодтой Хуссар Ирыстон æмæ Уæрæсейы ‘хсæн дыууæварсон æмгуыстады актуалон фарстытыл, сæрмагондæй, Республикæ Хуссар Ирыстоны министрадтæ æмæ ведомствоты кусджыты куыстмызд фæбæрзонддæр кæнын æмæ пенсион ифтонгады тыххæй.
Æруынаффæ МА кодтой социалон-экономикон фадыджы рæзты æмæ республикæмæ инвестицитæ æрбакæныны фарстытыл.
Гаглойты Алан ралæууыд ахæм иницативæимæ, зæгъгæ, æнæмæнгхъæуæг у уадзæн пункт «Дæллаг Зæрæмæджы» реконструкци, Республикæ Хуссар Ирыстоны æмбæстæгтæ арæныл æнцондæрæй ахизыны нысанæн.
***
Президент Гаглойты Алан фембæлд УФ-йы Коммунистон партийы Централон комитеты нымæрдар, Хæдбар Паддзахадты Æмхæларады, Евразийаг интеграци æмæ æмфыдыбæстæйонтимæ бастдзинæдты хъуыддæгты фæдыл Паддзахадон Думæйы комитеты сæрдары хæдивæг Тайсауты Хъазбегимæ.
Фембæлд уыд Мæскуымæ президенты кусæгон визиты фæлгæтты. Æруынаффæ кодтой къорд фарстатыл, кæцытæ хаудтой Республикæ Хуссар Ирыстоны цардархайдЫ æмæ дыууæварсон ахастытæм.
Гаглойты Алан банысан кодта, зæгъгæ, Хуссар Ирыстонæн Уæрæсе алыхатт дæр уыд æмæ у æрмæст стратегион партнер нæ, фæлæ æцæг æфсымæрон бæстæ.
Йæ рады Тайсауты Хъазбег Гаглойты Аланæн загъта УФ-йы Коммунистон партийы лидер Геннадий Зюгановы арфæйы ныхæстæ, афтæ ма банысан кодта Уæрæсе æмæ Хуссар Ирыстоны ‘хсæн æмархайд кæй арфдæр кæны, уыцы ахсджиагдзинады тыххæй.
Фембæлды кæрон фæрстæ бадзырдтой активон иумиаг куыст адарддæр кæныны тыххæй.
Ацы æрмæджытæ дæр бакæс:
Александр Новак: «Хуссар Ирыстон æмæ Уæрæсейы Федерацийы ‘хсæн æнтыстджын куыст импульс ратдзæн ног инициативæтæ æмæ бадзырдтæн»
Хицауады Сæрдары кусæгон балц Мæскуымæ
КУСÆГОН ÆМБЫРД ДМИТРИЙ ВОЛЬВАЧИМÆ
ЦАРДЫ ÆМВÆЗАД ХЪУАМÆ ХУЫЗДÆР КÆНА АЛКУЫ ДÆР ÆМÆ АЛЫ КЪАБАЗЫ ДÆР
Æнусон æмæ историон хæлардзинады уидæгтæ
Comments are closed, but trackbacks and pingbacks are open.