«Кабелон бастдзинад «Юг-Телеком»-ы куыст ацы бонты ныннымæг ис. Цы сты йæ аххосæгтæ?», – фæрсынц нæ газеткæсджытæ.
«Интернет-провайдер «Юг-Телеком» аиуварс кодта интернет хызæджы бастдзинæдты, згъуыдтытæ техникон куыстыты фæрцы. Æнæлимитон интернетæй пайдагæнджытæн ныр сæ разы цæлхдуртæ нал ис», – зæгъы «Юг-Телеком»-ы коммерцион директор Джиоты Эрнæ.
«Юг-Телеком»-ы абоненттæ интернеты æвзæр гъæд фæхатыдысты къуырисæры. Бастдзинад рæстмæ нал куыста. Радгæсы номертæм куы бадзырдтой, уæд сын загътой техникон мадзæлттæ кæй уадзынц. Интернет пайдагæнджытæ стыхстысты, ома, кæд мыййаг тарифтæ фæфылдæр кæнынмæ хъавы бастдзинады оператор. Фæлæ нын Джиоты Эрнæ куыд радзырдта, афтæмæй «Юг-Телеком» цы тарифон плантимæ кусы, уыдон аивынмæ нæ хъавы. Тарифтæ раздæрау уыдзысты 800, 900, 1200, 1500 сомы æргътæй. Бирæуæладзыгон хзæдзармæ бауадзыны аргъ уыд 3900 сомы. Сæрмагонд хæдзæрттæм та 1 мин фылдæр, уымæн æмæ уым куыстытæ фылдæр вæййынц. Ацы куыстыты тыххæй дæр лæггæдтæ баззадысты æнæивдæй.
Цалынмæ бастдзинады оператор «Юг-Телеком» нæ республикæмæ хуынд не ‘рцыд, уæдмæ цæрджытæ пайда кодтой æрмæстдæр «Мегафон»-ы бастдзинадæй. Бирæтæ уæд æмæ ныр дæр райгонд не сты йæ лæггæдты къабазæй, фæлæ сын хуыздæр уавæр кæй нæй, уымæ гæсгæ быхсынц. Райгонд та дзы не сты, фыццаджыдæр, йæ къуылымпыдзинад æмæ трафик тагъд кæй фæуд кæны, уымæй. Уымæ гæсгæ «Юг-Телеком»-ы фæзынд нæ горæты цæрджытæн æхсызгондзинад æрхаста. Ацы компанийы бастдзинадæй ныртæккæ пайда кæнынц горæты фылдæр хай. Горæтæн æддейæ та Цхинвалы районтæ Тъбет, Къостайы хъæу, Гудзабар, Дзауы райцентр, Хуыцъе.
Æртæ азы размæ «Юг-Телеком» ныфс æвæрдта иу азы æмгъуыдмæ канд горæт нæ, фæлæ республикæйы районты дæр интернетæй кæй сифтонг кæндзæнис. Фæлæ бастдзинады сæргълæууæг Коцты Григори куыд зæгъы, афтæмæй куыд алы куыстуат, афтæ уыдонмæ дæр рæстæгæй-рæстæгмæ фæзыны чысыл зындзинæдтæ. Бастдзинад æмæ интернеты модификаци æппынæдзух домынц хызæджы гъæд фæхуыздæр кæнын æмæ йæ æмбæлон æмвæзадыл æрæвæрын. Цхинвалы алы микрорайоны дæр пайда кæнынц нæ бастдзинадæй. Алы хæдзары дæр ис министанцтæ, хатт уыдон фарсмæ сæвæрын бахъæуы ногтæ. Уымæн æмæ интернеты лæггæдты тыгъдад кæны бонæй-бон фылдæр æмæ цæмæй лæмæгъ интернет ма уа.
Районтæ се ‘ппæт дæр ифтонг хъуамæ æрцæуой. Мах нывæндæм æмткæй республикæ сифтонг кæнын. Куырдиæттæ дæрддаг районтæй æрвитынц нæ сæйраг офисмæ. Курынц нæ, цæмæй фæтагъд кæнæм куыстытæ. Мах сын æмбарын кæнæм, проектонтестон куыстытæ компани йæхи сæрмагонд инвестицитæй кæй æххæст кæны, уымæ гæсгæ кæй къуылымпы кæны ацы проект. Ныртæккæ компани «Юг-Телеком» Хуссар Ирыстоны территорийыл цы архайд кæны, уымæн æрмæст экономикон бындур нæй. Æнæлимитон кабелон интернеты фæрцы республикæйы районты цæр-джыты царды уавæртæ æмæ фадæттæ фæхуыздæр уыдзысты. Иннæмæй та фæзын-дзæн ног кусæн бынæттæ бынæттон цæрджытæн.
Уазæгты Марфа
Comments are closed, but trackbacks and pingbacks are open.