Коронавирусы инфекци ма фæзыныны æмæ дзы хи бахизыны нысанæн æхгæд æрцыдысты ахуыргæнæн уагдæттæ нæ республикæйы дæр. Фæлæ цæмæй ахуыргæ-нинæгтæ ахуыры процессæй ма фæиппæрд уой, фæтых уой сæ программæйыл, уый тыххæй уынффæ райстæуыд, цæмæй уал пайда кæной дистанцион ахуырæй. Ахуыры уыцы хуыз ныббиноныг Цхинвалы районы Къостайыхъæуы астæуккаг скъолайы ахуыргæнджытæ æмæ ахуыргæнинæгты ‘хсæн дæр. Скъолайы директор Тыбылты Алекси куыд зæгъы, афтæмæй ахæм ахуырæй пайда кæнынц апрелы райдианæй фæстæмæ. Алы скъоладзауæн дæр ис мобилон телефон æмæ уыцы бастдзинады фæрцы пайда кæнынц урочы цыдæн. Ахуыргæнæг хæслæвæрд æппары йæ ахуырдзаумæ æмæ, йæхи рады, уый та æрæв-налы йæ сæххæст кæнынмæ. Ахуырдзау йæ урочы темæйыл æххæстæй куы бакуса, кæронмæ йæ куы сæххæст кæна, уæд æй уый фæстæ дæтты телефонон бастдзинады фæрцы йæ ахуыргæнæгмæ. Уый бæстон æркæсы бакуыстгонд æрмæгмæ æмæ йын уый фæстæ саргъ кæны йæ куыстæн. Дистанцион ахуыры рæстæджы, программæмæ гæсгæ, ахуырдзаутæ бакусынц, куыд урочы æрмæгыл, афтæ ма æххæст кæнынц, цы фæлтæрæнтæ æмæ дзы алыгъуызон хæслæвæрдтæ ис, уыдон дæр.
Ахуыры ацы ног хуызæй хорз пайда кæнынц ирон æвзаг æмæ литературæйы ахуыргæнæг Хъуылымбегты Маринæ, уырыссаг æвзаг æмæ литературæйы ахуыргæнджытæ Мæргъиты Нелли æмæ Бекъойты Индирæ, химийы предметæй Джиоты Сюзаннæ, райдиан кълæсты ахуыргæнæг Джусойты Нелли æмæ æндæртæ.
Хуыбиаты Никъала
Comments are closed, but trackbacks and pingbacks are open.