Республикæ Хуссар Ирыстоны Президент Бибылты Анатоли схорзæхджын кодта УФ-йы РХИ-йы Уæлвæткон æмæ Æххæстбарджын минæвар Гасситы Знауыры «Республикæ Хуссар Ирыстоныл 25 азы сæххæсты сæраппонд» майданæй.
Гасситы Знауыр хорзæхджын æрцыд Республикæйы æддагполитикон курс реализаци кæнынмæ йæ стыр хайбавæрд, бирæ азты дæргъы цæсгомджын куыст æмæ равдисгæ профессионализмы тыххæй.
Паддзахады сæргълæууæг бузныджы ныхæстæ загъта Гасситы Знауыр æмæ минæварады æппæт кусджытæн, Уæрæсейы Федерацийы æмæ йæ арæнтæн æддейæ ахизгæйæ сæ бакæнгæ куысты тыххæй.
«Гасситы Знауыр стыр куыст кæны Уæрæсейы Федерацийæн æддейæ. Уый тынг ахсджиаг у республикæйæн æмæ нæ адæмæн, Хуссар Ирыстоны алкæцы цæрæгæн дæр», – загъта Бибылты Анатоли.
Уый ма минæварæн бузныджы ныхæстæ загъта, хуссарирыстойнаг студенттимæ мадзæлттæ организаци кæнын æмæ алкæцы ахуырдзаумæ лæмбынæг хъусдарды тыххæй.
Уæрæсейы Федерацимæ визиты фæлгæтты Бибылты Анатоли бабæрæг кодта Мæскуыйы Хуссар Ирыстоны минæварады ног бæстыхай.
Бæстыхайыл цæст ахæсгæйæ, кæцы ныртæккæ цалцæг цæуы паддзахады сæргълæууæг райгондæй баззад куыстытæй, кæцытæ фæхæццæ кæнынц кæронмæ.
Банысан кæнын хъæуы, Уæрæсейаг фарс Хуссар Ирыстоны минæварадæн ног бæстыхай кæй рахицæн кодта Лялины фæзилæн, 10 хæдзары, 2017 азы ноябры мæйы Президент Бибылты Анатоли Президент Владимир Путинимæ официалон фембæлды рæстæджы цы сразыдзинæдтыл æрдзырдтой, уыдон бындурыл.
РХИ-йы
Президенты пресс-службæ
Comments are closed, but trackbacks and pingbacks are open.