Республикæ Хуссар Ирыстонмæ æрцыдысты УФ-йы Нымайæн палатæйы минæвæрттæ, 2019 азы Хуссар Ирыстонæн уæрæсейаг финансон æххуысæй пайда кæныны фæдыл иумæйаг контролон мадзæлттæ ауадзыны тыххæй.
Хицауады Сæрдар Пухаты Эрик раарфæ кодта уазджытæн æмæ ныфс бавæрдта иумæйаг æнтыстджын куысты тыххæй.
«Республикæйы къухдариуæгад йæ контролы бын дары Инвестпрограммæйы æххæсткæнынад, уагъд цæуынц регулярон бæрæггæнæн мадзæлттæ заказгæнджытæ æмæ æххæстгæнджытимæ, цæмæй хицæнгонд æхцайы фæрæзтæ хардз цæуой нысанмæздæхтæй. Уый махæн у нæ намысы фарст. Басгæрсты фæстиуджытæм гæсгæ 2018 азы Инвестпрограммæ æххæст æрцыд сæдæ процентæй. Ныфс мæ ис, ног программæ дæр æххæст кæй æрцæудзæн æнтыстджынæй», – банысан кодта Пухаты Эрик.
Контролон мадзæлтты къухдариуæггæнæг, УФ-йы Нымайæн палатæйы инспекцийы хистæры хæдивæг Валери Лепеха дæр ныфс бавæрдта иумæйаг басгæрстон мадзæлтты эффективон æххæсткæнынадæй æмæ профилон министрадты къухдариуæггæнджыты базонгæ кодта йæ коллегæтимæ.
Цхинвалы УФ-йы Нымайæн палатæйы контролон мадзæлттæ уагъд цæуынц 2019 азы 11 ноябрæй 28 ноябрмæ куысты планмæ гæсгæ.
Кусæгон къорды хæс у, федералон бюджетæй æхцайы фæрæзтæ радтыны фæтк æмæ уавæртæ, афтæ ма уыдон куыд хардз цæуынц, уымæн саргъ кæнын, кæцытæ здæхт сты РХИ-йы бюджетон инвестицитæ æмæ социалон-экономикон рæзт сæххæст кæнынмæ.
Comments are closed, but trackbacks and pingbacks are open.