2008 азы августы хæстыл дæс азы кæй æххæст кæны, уый сæраппонд мысæн мадзæлттæ уагъд æрцæудзысты Хуссар Ирыстоны районты.
Информагентад «Рес»-æн Ле-нингоры районы культурæйы хайады хистæр Бесаты Виссарион куыд фехъусын кодта, афтæмæй 7-æм августы Ленингоры поселочы Фыдыбæстæ хъахъхъæнджыты мемориалы раз уагъд æрцæудзæн акци «Мысынад»
«Траурон мадзæлтты рæстæджы районы цæрджытæ цырæгътæ ссудзысты августы хæсты рæстæджы чи фæмард, уыдоны ном арыны сæраппонд. Афтæ ма дидинджытæ сæвæрдзысты цыртдзæвæныл æмæ равдисдзысты документалон фильмтæ», -загъта Бесайы фырт.
Районы культурæйы хайады сæргълæууæг ма банысан кодта, мысæн мадзæлттæ уагъд кæй æрцæудзысты Хуссар Ирыстоны Ленингоры районы Цъинагары хъæуы дæр.
Дзауы районы администрацийы пресс-службæйы радзырдтой, зæгъгæ, 7-æм августы Дзауы поселочы уагъд æрцæудзæн акци «Мысæн цырæгътæ».
«Уымæй дарддæр ма 8-æм августы веноктæ æвæрд æрцæудзысты 2008 азы чи фæмард, уыдоны ингæнтыл», -банысан кодтой пресс-службæйы.
2008 азы трагикон цаутыл дæс азы сæххæсты сæраппонд мадзæлттæ уагъд æрцæудзысты Знауыры районы дæр
«Районы цæрджытæ цырæгъ-тæ ссудзысты æмæ æрымысдзысты 2008 азы хæсты рæстæджы чи фæмард, уыдоны. Афтæ ма хъæууон библиотекæты ауадздзысты мадзæлттæ трагикон цауты тыххæй», – фехъусын кодта районы культурæйы хайады кусæг Гатыкоты Эка.
Цхинвалы районы иууыл сæйрагдæр мадзал суыдзæн фыдохы митинг Тъбеты хъæуы «Сыгъд удты музейы», кæцы уагъд æрцæу-дзæн 7-æм августы 19:00 сахатыл.
Comments are closed, but trackbacks and pingbacks are open.