7-æм сентябрæй 14-æм сентябрмæ Хуссар Ирыстоны территорийыл æрцыд дыууæ фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Фæндагон змæлды æдасдзинады инспекци къуырийы дæргъы сбæлвырд кодта 111 фæткхалæн цауы. Уыдонæй 5 уыдысты нозтджынæй машинæ скъæрыны цаутæ.
Алыгъуызон бархалыны фӕдыл бӕрндзинадмӕ конд ӕрцыдысты 2 адӕймаджы.
9-æм сентябры Дзауы районы милицийы управленийы кусджытæ оперативон-агурæн мадзæлттæ ауадзыны фæстиуæгæн Чеселты хъæумæ æввахс ссардтой 13 гæны къутæры æмæ куынæг æрцыдысты.
Горæт Цхинвалы милицийы управлени æмæ Генералон прокуратурæйы кусджытæ баурæдтой нæ горæты 37-аздзыд цæрæджы, кæцы æнæзакъонæй спайда кодта наркотикон буарад «марихуана»-йæ. Бархалæджы горæт Цхинвалы тæрхондон фæивар кодта 8 мин сомы.
Фæндагон змæлды æдасдзинады инспектортæ баурæдтой нæ горæты 36-аздзыд цæрæджы, кæцыйы дыккаг хатт æрцахстой, нозтджынæй машинæ скъæргæйæ. Бархалæджы горæт Цхинвалы тæрхондон фæивар кодта 20 мин сомы æмæ ма йын иу аз æмæ æрдæджы æмгъуыдмæ байстой йæ бары гæххæттытæ дæр.
Горæт Цхинвалы 44-аздзыд æмæ 47-аздзыд цæрджытæ Знауыры районы Убиаты хъæугæрон æхсæнгарзæй фехстой хуы, нывæрдтой йæ сæ автомашинæйы æмæ бамбæхстысты. Оперативон-агурæн мадзæлттæ ауадзыны фæстиуæгæн дыккаг бон фыдгæнджытæ ахст æрцыдысты Цхинвалы æмæ басастысты сæ фыдракæндыл. Ист ма æрцыдис æхсæнгарз дæр, кæцы разынд хиаразгæ.
Ленингоры районы Икъоты хъæуы 27-аздзыд æмæ Къоринты хъæуы 49-аздзыд цæрджыты æрцахстой арæнхъахъхъæнджытæ. Ацы æмбæстæгтæ æнæзакъонæй ахызтысты паддзахадон арæныл æмæ уал æрвыст æрцыдысты карантинмæ уазæгдон «Алан»-мæ 14 боны æмгъуыдмæ.
8-æм сентябры Цхинвалы зынгсирвæзты фæстиуæгæн басыгъд бынæттон 62-аздзыд цæрæджы хисæрмагонд хæдзар.
Comments are closed, but trackbacks and pingbacks are open.