25-ӕм майӕ 1-æм июнмæ Хуссар Ирыстоны территорийыл æрцыдис ӕртӕ фыдракæнды æмæ дзы дыууӕ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Фӕндагон змӕлды ӕдасдзинады инспекци къуырийы дӕргъы сбӕлвырд кодта 184 фӕткхалӕн цауы. Уыдонӕй 12 уыдысты нозтджынӕй машинӕ скъӕрыны цаутӕ.
Ӕхсӕнадон фӕтк фехалыны фӕстиуӕгӕн бӕрндзинадмӕ конд ӕрцыдысты 7 адӕймаджы.
25 майы милицийы Наркотикты ӕрзылд контроль кӕныны кусджытӕ оперативон информацийы фӕдыл горæт Цхинвалы басгæрстой 47-аздзыды хисæрмагонд хæдзар æмæ дзы ссардтой 1 гæны къутæр ӕмӕ цъӕх кӕрдӕгы ссадӕг, кӕцы разынд «марихуана». Фæткхалæджы горæт Цхинвалы тæрхондон фæивар кодта 6 мин сомы
27 майы милицийы Наркотикты ӕрзылд контроль кӕныны кусджытӕ горӕт Цхинвалы басгӕрстой 35-аздзыды хисӕрмагонд хӕдзар ӕмӕ дзы ссардтой 11 гӕны къутӕры. Фæткхалӕгыл баконд æрцыдис уголовон хъуыддаг.
Милицийы наркотикон буарадты æрзылд контроль кæныны управленийы кусджытæ баурæдтой Цхинвалы 42-аздзыд цæрæджы, кæцымӕ сӕ зӕрдӕ фехсайдта наркотикон буарад «марихуана»-йӕ æнæзакъонæй спайда кӕнынмӕ. Фӕткхалӕг медицинон басгӕрстмӕ нӕ бакуымдта ӕмӕ йӕ горæт Цхинвалы тæрхондон фæивар кодта 8 мин сомы.
Милицийы наркотикон буарадты æрзылд контроль кæныны управленийы кусджытæ баурæдтой Цхинвалы 43-аздзыд цæрæджы, кӕцы ӕнӕзакъонӕй спайда кодта наркотикон буарад «марихуана»-йӕ.
29-ӕм майы Цхинвалы районы милицийы уголовон фӕдагуырды кусджытӕ баурӕдтой Монастъеры хъӕуы 36-аздзыд цӕрӕджы, кӕцы ӕнӕзакъонӕй спайда кодта наркотикон буарад «марихуана»-йӕ. Уымӕй уӕлдай ма йын басгӕрстой йӕ хисӕрмагонд хӕдзар дӕр ӕмӕ дзы ссардтой 2 гӕны къутӕры.
Горӕт Цхинвалы 50-аздзыд цӕрӕг, йӕ цӕхӕрадоны уалдзыгон куыстытӕ кӕнгӕйӕ, ссардта гранатӕ «Ф-1». Бынатмӕ йæм бацыдысты сапертӕ ӕмӕ рӕмудзӕн ӕрмӕг раластой полигонмӕ, цӕмӕй йӕ скуынӕг кӕной.
Comments are closed, but trackbacks and pingbacks are open.