16-ӕм декабрӕй 23-æм декабрмæ Хуссар Ирыстоны территорийыл ӕрцыдис дыууæ фыдракæнды ӕмӕ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы.
Планон рейдон мадзӕлттӕ уадзыны рӕстӕджы Фӕндагон змӕлды ӕдасдзинады инспекци къуырийы дӕргъы сбӕлвырд кодта 351 фӕткхалӕн цауы. Уыдонӕй 7 уыдысты нозтджынӕй машинӕ скъӕрыны цаутӕ.
Ӕхсӕнадон фӕтк фехалыны фӕстиуӕгӕн бӕрндзинадмӕ конд ӕрцыдис цыппар адӕймаджы.
Милицийы Фæндагон змæлды æдасдзинады инспектортæ баурæдтой автомашинæ «ВАЗ-2109», кæцыйы шофыр разынд 20-аздзыд горæттаг цæрæг. Басгæрсты рæстæджы машинæйы ссардтой пистолет «Макаров». Слестгæнæн управленийы баконд æрцыдис уголовон хъуыддаг.
Милицийы экономикон фыдракӕндтӕ ма ‘руадзыны фӕдыл управленийы кусджытӕ рейдон мадзæлттæ ауадзыны фæстиуæгæн иу магазины ссардтой пиротехникон дзаумæттæ 260 иуæджы бæрц, кæцытæн нæ республикæйы территорийыл уæй кæныны бар нæй. Хъуыддаг алæвæрдтой горæты тæрхондонмæ.
Милицийы наркотикон буарадты ӕрзылдыл контроль кӕныны управленийы кусджытæ рейдон мадзæлттæ уадзыны рæстæджы баурæдтой автомашинæ «ВАЗ-2172», кæцыйы шофыр разынд Уæрæсейы Федерацийы 25-аздзыд æмбæстаг. Басгæрсты рæстæджы машинæйы ссардтой дыууæ пакеты, дымгæ кæй нæ кæнынц, ахæм тамако «Насвай». Ацы тамакойæн нæ республикæйы территорийыл уæй кæныны бар нæй æмæ Цхинвалы тæрхондон фæткхалæджы фæивар кодта 20 мин сомы.
Цхинвалы районы милицийы управленийы кусджытæ баурæдтой Къостайыхъæуы 52-аздзыд цæрæджы, кæцы нæркотикон буарад «марихуана»-йæ æнæзакъонæй спайда кодта. Цхинвалы районы тæрхондонæй фæивар кодта 10 мин сомы.
19-æм декабры Цхинвалы рынчындонмæ бахаудтой æртæ æмбæстаджы, кæцытæ фæхъæстæ сты туагхъæстæ газæй. Рынчынтæй иу разынд 5-аздзыд сывæллон. Дохтыртæ сын медицинон æххуыс бакодтой æмæ сæ цардæн тæссаг ницæмæй уал у.
Comments are closed, but trackbacks and pingbacks are open.